Молитва покаянная
 
 
 







Молитва покаянная PDF Печать E-mail
Во время РАСКОЛА и СМУТЫ читаются молитвы: - Во время РАСКОЛА и СМУТЫ читаются молитвы:
14.02.2016 13:01

Молитва покаянная

(Также читаемая в день убиения царской семьи 4 / 17 июля)

Благословен еси Господи Боже Отец наших, и хвально и прославлено Имя Твое во веки, яко праведен еси о всех, яже сотворил еси нам, и вся дела Твоя истинна и правы путие Твои, и вси Суды Твои истинни, и судьбы истинни сотворил еси по всем, яже навел еси на ны, яко согрешихом и беззаконновахом отступивше от Тебе, и прегрешихом во всех, и заповедей Твоих не послушахом, ниже соблюдохом, ниже сотворихом, якоже заповедал еси нам, да благо нам будет, и предал еси нас в руки врагов беззаконных, мерзких - отступников, человеком неправедным и лукавнейшим паче всея земли.

И ныне несть нам отверсти уст, студ и поношение быхом рабом Твоим и чтущим Тя. Не предаждь же нас до конца имени Твоего ради и не разори завета Твоего, и не остави милости Твоея от нас, яко, Владыко, умалихомся паче всех язык и есмы смирени по всей земли днесь, грех ради наших и несть во время сие начальника, пророка и вождя. И ныне возследуем всем сердцем и боимся Тебе и ищем лица Твоего, не посрами нас, но сотвори с нами по кротости Твоей, и по множеству милости Твоея, и всех святых Твоих, изми́ нас по чудесем Твоим, и даждь славу Имени Твоему, Господи, и да посрамятся вси являющий рабом Твоим злая, и да постыдятся от всякия силы, и крепость их да сокрушится, и да разумеют вси, яко Ты еси Бог наш, един и славен по всей вселенней. Аминь.

Обновлено 14.02.2016 13:02
 






Рейтинг@Mail.ru Рейтинг@Mail.ru Rambler's Top100 Яндекс.Метрика