Рождество Христово
 
 
 







Рождество Христово PDF Печать E-mail
Молитвы и о молитвах - Акафисты, молитвы, каноны Господу Иисусу Христу
08.12.2012 10:59

 

Рождество Христово

 

1rh

 

(25 декабря / 7 января)

 

 

 

   Господь наш Иисус Христос, Спаситель мира, родился от Пресвятой Девы Марии в царствование императора Августа (Октавия) в городе Вифлееме. Август повелел сделать всенародную перепись во всей своей империи, к которой относилась тогда и Палестина. У евреев был обычай вести народные переписи по коленам, племенам и родам, всякое колено и род имели свои определенные города и праотеческие места, потому Преблагословенная Дева и праведный Иосиф, как происходившие от рода Давидова должны были идти в Вифлеем (город Давида), чтобы внести и свои имена в список подданных кесаря. В Вифлееме они не нашли уже ни одного свободного места в городских гостиницах. В известняковой пещере, предназначенной для стойла, среди сена и соломы, разбросанных для корма и подстилки скоту, далеко от постоянного местожительства, среди чужих людей, в холодную зимнюю ночь, в обстановке, лишенной не только земного величия, но даже обыкновенного удобства - родился Богочеловек, Спаситель мира. "Таинство странное вижду и преславное, - с удивлением воспевает Святая Церковь, - Небо - вертеп; Престол Херувимский - Деву; ясли - вместилище, в них же возлеже невместимый Христос Бог" (ирмос 9-й песни канона). Безболезненно родившая Богомладенца Пресвятая Дева, Сама, без посторонней помощи, "повит Его и положи в яслех" (Лк. 2). Но среди полночной тишины, когда всё человечество объято было глубочайшим греховным сном, весть о Рождестве Спасителя мира услышали пастухи, бывшие на ночной страже у своего стада. Им предстал Ангел Господень и сказал: "Не бойтеся: се бо благовествую вам радость велию, яже будет всем людем, яко родися вам днесь Спаситель, Иже есть Христос Господь, во граде Давидове", и смиренные пастыри первые удостоились поклониться ради спасения людей Снисшедшему до "рабия зрака". Кроме ангельского благовестия вифлеемским пастырям, Рождество Христово чудесною звездою возвещено было волхвам "звездословцам", и в лице восточных мудрецов весь языческий мир, незримо для него самого - преклонил свои колена пред истинным Спасителем мира, Богочеловеком. Войдя в храмину, где был Младенец, волхвы - "падше поклонишася Ему, и отверзше сокровища своя, принссоша Ему дары: злато и ливан и смирну" (Мф. 2, 11).

   В воспоминание Рождества во плоти Господа нашего Иисуса Христа установлен Церковью праздник. Начало его относится ко временам Апостолов. В Апостольских Постановлениях говорится: "Храните, братия, дни праздничные, и во-первых день Рождества Христова, которое да празднуется вами в 25 день десятаго месяца" (от марта). Там же, в другом месте сказано: "День Рождества Христова да празднуют, в оньже нечаемая благодать дана человекам рождением Божия Слова из Марии Девы на спасение миру". Во II столетии на день Рождества Христова 25 декабря указывает святитель Климент Александрийский. В III веке о празднике Рождества Христова, как о бывшем прежде, упоминает святой Ипполит Римский, назначая чтение Евангелия в этот день из 1 главы от Матфея. Известно, что во время гонения христиан Максимианом, в 302 году, никомидийские христиане в самый праздник Рождества Христова сожжены были в храме в числе 20000. В том же веке, когда Церковь после гонения получила свободу вероисповедания и сделалась господствующей в Римской империи, праздник Рождества Христова находим во всей Вселенской Церкви, как можно видеть это из поучений святого Ефрема Сирина, святителей Василия Великого, Григория Богослова, святителя Григория Нисского, святителей Амвросия, Иоанна Златоуста и других отцов Церкви IV века на праздник Рождества Христова. Святитель Иоанн Златоуст в слове своем, которое он говорил в 385 году, называет праздник Рождества Христова древним и очень древним. В том же веке на месте пещеры Вифлеемской, прославленной рождением Иисуса Христа, равноапостольная царица Елена соорудила храм, о великолепии которого много старался державный ее сын. В кодексе Феодосия, изданном в 438 году, и Юстиниана - в 535, излагается закон о всеобщем праздновании дня Рождества Христова. В этом смысле, вероятно, Никифор Каллист, писатель XIV века, в своей истории говорит, что император Юстиниан в VI веке установил праздновать Рождество Христово по всей земле. В V веке Анатолий, Патриарх Константинопольский, в VII - Софроний и Андрей Иерусалимские, в VIII - святые Иоанн Дамаскин, Косма Маиумский и Герман, Патриарх Цареградский, в IX - преподобная Кассия и другие, которых имена неизвестны, написали для праздника Рождества Христова многие священные песнопения, употребляемые ныне Церковью для прославления светло празднуемого события.

  Впрочем, в первые три века, когда гонения стесняли свободу христианского Богослужения, в некоторых местах Востока - Церквах Иерусалимской. Антиохийской, Александрийской и Кипрской - праздник Рождества Христова соединялся с праздником Крещения 6 января, под общим именем Богоявления. Причиной этого, вероятно, было мнение, что Христос крестился в день Своего рождения, как можно заключать об этом из слов святителя Иоанна Златоуста, который в одной из бесед своих в Рождество Христово говорит: "не тот день, в который родился Христос, называется Богоявлением, но тот, в который Он крестился". К такому мнению могли подать повод слова евангелиста Луки, который, говоря о крещении Иисуса Христа, свидетельствует, что тогда "бе Иисус лет яко тридесять" (Лк. 3, 23). Празднование Рождества Христова вместе с Богоявлением в некоторых Церквах восточных продолжалось до конца IV века, в иных - до V или даже до VI века. Памятником древнего соединения праздников Рождества Христова и Богоявления доныне в Православной Церкви служит совершенное сходство в отправлении этих праздников. Тому и другому предшествует сочельник, с одинаковым народным преданием, что в сочельники должно поститься до звезды. Чин Богослужения в навечерия обоих праздников и в самые праздники совершенно одинаков.

День Рождества Христова издревле причислен Церковью к великим двунадесятым праздникам, согласно с Божественным свидетельством Евангелия, изображающего празднуемое событие величайшим, всерадостнеишим и чудесным. "Се благовествую вам, - сказал Ангел вифлеемским пастырям, - радость велию, яже будет всем людем. Яко родися вам Спас, Иже есть Христос Господь, во граде Давидове. И се вам знамение: обрящете Младенца повита, лежаща в яслех. Тогда же внезапу бысть со Ангелом множество вой небесных, хвалящих Бога и глаголющих: слава в вышних Богу, и на земли мир, в человецех благоволение. Вси слышавший дивишася о глаголанных от пастырей о рождшемся Спасителе, и сами пастыри возвратишася, славяще и хваляще Бога о всех, яже слышаша и видеша" (Лк. 2, 10 - 20). Так Рождество Христово, как событие высочайшее и чрезвычайное, сопровождалось дивной вестью пастырям и волхвам о всемирной радости для всех людей, "яко родися Спас", Ангельским славословием родившемуся Спасу, поклонением Ему пастырей и волхвов,. благоговейным удивлением многих, слышавших слова пастырей о родившемся Отрочати, славою и хвалою Его от пастырей.

 

   Согласно с Божественным свидетельством Евангелия, отцы Церкви в своих Богомудрых писаниях изображают праздник Рождества Христова величайшим, всемирным и радостнейшим, который служит началом и основанием для прочих праздников.

 

 

 

 

АКАФИСТ

 

 

Кондак 1


Избравый от всех родов пречистейшую Ангел Деву, и от нея родивыйся плотию Христе Боже наш; благодарственная приносим ти раби Твои Владыко. Ты же яко имеяй милосердие неизреченное, от всяких нас бед свободи, зовущих: Иисусе, Сыне Божий, воплотивыйся нас ради, слава Тебе.

 

 

Икос 1


Ангел множество собрася во Вифлееме, видети непостижное Рождество; и видевше своего Творца, во яслех яко младенца лежаша, удивишася! И страхом благоговеюще, Рождшагося и Рождшую боголепне почитаху, поюще таковая:

Слава Тебе, Сыне Божий, прежде век от Отца рожденный.

Слава Тебе, со Отцем и Духом вся сотворивый.

Слава Тебе, спасти погибшия пришедый.

Слава Тебе, даже до рабия зрака снизшедый.

Слава Тебе, Взыскателю заблудших.

Слава Тебе, Спасителю погибших.

Слава Тебе, средостение вражды разрушившу.

Слава Тебе, рай, преслушанием затворенный, паки от-верзшу. Слава Тебе, род человеческий неизреченно возлюбившу.

Слава Тебе, на земли вертеп Небо явившу.

Слава Тебе, рождшую Тя Деву, Престол херувимский показавшу. Иисусе, Сыне Божий, воплотивыйся нас ради, слава Тебе.

 

 

Кондак 2


Видяще бесплотнии Ангели своего Владыку, от Чистыя Девы плоть приемша, ужасошася! И друг ко другу реша: преславое сие Таинство непостижимо нам является быти: обаче дивяшеся неизреченному того снисхождению, со страхом пояху: Аллилуиа.

 

 

Икос 2


Разумная вся тварь ужасаюшися и благодарящи поет Твоего Рождества Владыко таинство! Силы небесныя радуются поюще:

Слава в вышних Богу, и земля с человеки веселится, мы же непрестанно вопием:

Слава Тебе, в вышних славимому Богу.

Слава Тебе, мир на земли сотворившему.

Слава Тебе, нас Тебе примирившему.

Слава Тебе, на земли нам явившемуся.

Слава Тебе, от Девы неизреченно воплотившемуся.

Слава Тебе, звезду возсиявый.

Слава Тебе, тою волхвы на поклонение Тебе признавши.

Слава Тебе, дары от них милостивно приявшему.

Слава Тебе, всю тварь Тебе служити научившему.

Слава Тебе, и нас Тебе пети вразумившему.

Слава Тебе, Себе нам соединившему.

Слава Тебе, нас Собою спасшему. Иисусе, Сыне Божий, воплотивыйся нас ради, слава Тебе.

 


Кондак 3


Сильный в крепости, Бог мира, и Отец щедрот, прииде на землю, спасти мир погибающий: Ныне в Вифлееме яко младенец раждается от Девы: Юже Матерь и Ходатаицу спасения показа, всем Того воплощение славящим и поющим: Аллилуиа.

 

 

Икос 3


Имуще, Тебе пречисто рождшую, о нас непрестанно молящуюся: радующеся поем Твоего вочеловечения Владыко Таинство! И Рождество от Девы Богоприятныя славословяще вопием:

Слава Тебе, Сыне Божий.

Слава Тебе, Сыне Девы, от Девы несказанно родивыйся.

Слава Тебе, человеколюбия бездну на нас показавшему.

Слава Тебе, нас неизреченно возлюбившему.

Слава Тебе, заблудшее овча взыскавшему.

Слава Тебе, о обретении тоя, срадоватися Ангелом рекшему.

Слава Тебе, на рамо сию восприемшему.

Слава Тебе, ко Отцу приведшему.

Слава Тебе, человеки со Ангелы во едино стадо совокупившему. Слава Тебе, мир от прелести избавльшему.

Слава Тебе, великую и неизреченную милость нам явившему. Слава Тебе, нас паче всех тварей возлюбившему. Иисусе, Сыне Божий, воплотивыйся нас ради, слава Тебе.

 

 

Кондак 4


Бурю внутрь помышлений сумнительных прежде имевый целомудренный Иосиф ныне внутрь Божественнаго вертепа видит преславныя. Аще бо и яко человека видяше от Девы рождаемаго, но разумеваше от вещей Бога быти истиннаго: тем и боголепне поклонився, радостно пояше: Аллилуиа.

 

 

Икос 4


Слышаша пастырие Ангела, возвещающа им рождшагося Спаса миру, во граде Давидове: и скоро текше, видят Сего яко агнца непорочна, во чреве Девыя упасшася во яслех лежаща, и Рождшую благоговейно служащу и Иосифа со страхом предстояща; сказаша о глаголанных к ним, и поклонившеся Рождшемуся, реша:

Слава Тебе, Агнче Божий Спасе мира.

Слава Тебе, Сыне Божий, неизреченое чудо нам показавый.

Слава Тебе, ангельских пении слышатели нас быти явивый.

Слава Тебе, с ними и нас славословити Тя научивый.

Слава Тебе, Ангелы и человеки пети Тя вразумивый.

Слава Тебе, на земли и на небеси радость сотворивый.

Слава Тебе, яко о Тебе небесная земным срадуются.

Слава Тебе, яко Тобою земная небесным совокупляются.

Слава Тебе, крепость диаволю немощну показавшему.

Слава Тебе, от того мучительства нас избавльшему.

Слава Тебе, в Тя верующим неизреченная радосте.

Слава Тебе, любящим Тя неизглаголанная сладосте. Иисусе, Сыне Божий, воплотивыйся нас ради, слава Тебе.

 

 

Кондак 5


Боготечную звезду, Христово Рождество предъявляющую, узревше звездоблюсте ли волсви; и тоя вождением, Непостижимаго достигоша и Невидимого видеша: возрадовашася Тому вопиюще: Аллилуиа.

 

 

Икос 5


Видяще царие перситстии, на руку Девичу, Царя царствующих, яко на престоле херувимстем седяща, и Владыку того разумевающе, аще рабий прият зрак, потщашася дары Ему принести: злато, яко Царю всех; ливан же яко Богу; смирну, яко Безсмертному, и поклонившеся пояху:

Слава Тебе, Свет всем возсиявый.

Слава Тебе, нас звездою на поклонение Тебе призвавый.

Слава Тебе, злобу лютого Ирода обличившему.

Слава Тебе, суетно того умышление показавшему.

Слава Тебе, нас от того прелести избавльшему.

Слава Тебе, Тебе, Солнцу правды, покланятися научившему.

Слава Тебе, вся светом разума просветившему.

Слава Тебе, Твоим Рождеством многобожия прелесть упразднившему.

Слава Тебе, вражие владычество до конца низложившему.

Слава Тебе, со Отцем и Духом Тебе поклонятися нас научившему. Слава Тебе, нас прельстившаго змия главу сокрушившему.

Слава Тебе, от вечныя смерти нас избавльшему. Иисусе, Сыне Божий, воплотивыйся нас ради, слава тебе.

 

 

Кондак 6


Проповедник богоносных вещания яже от Тебе исполняя, на земли явил еси Себе, Спасе, во убозем ныне вертепе рождся от Чистыя Девы: и богат сый, нас ради обнищал еси волею, да человеки обогатиши, верою Тебе поющия: Аллилуиа.

 

 

Икос 6


Воссиял еси от Девы, и неискусомужныя Твоея Матере, Иисусе, яко солнце просвещая и прогоняя лжи тьму: демони бо, Спасе, нетерпяще Твоея крепости, вси вострепеташа, и ад, видев чудо, убояся: мы же благодаряще вопием Ти:

Слава Тебе, человек Спасителю.

Слава Тебе, бесов Потребителю.

Слава Тебе, прелести начальника Твоим Рождеством устрашившему.

Слава Тебе, идольскую прелесть упразднившему.

Слава Тебе, светом Богопознания вся осиявшему.

Слава Тебе, тьму неведения прогнавшему.

Слава Тебе, Каменю, воду спасения всем источивый.

Слава Тебе, жажду Адамову и Давидову утоливый.

Слава Тебе, яко солнцем, Твоим Рождеством вся просветившему. Слава Тебе, лучи благодати вселенней облиставшему.

Слава Тебе, землю обетования нам показавшему.

Слава Тебе, от всеродныя клятвы нас Избавльшему. Иисусе, Сыне Божий, воплотивыйся нас ради, слава тебе.

 

 

Кондак 7


Хотя от века сокровенную тайну нам явити, от всея твари служители таинству показал еси, Спасе. От Ангел Гавриила, от человек Деву, от небес звезду, от земли вертеп, в немже родитися благоволил еси: темже дивящеся твоей неизреченной премудрости, зовем: Аллилуиа.

 

 

Икос 7


Новую показал еси тварь, явлься плотию всех Зиждитель, из безсеменныя прозяб утробы, и сохранив ю, яко же бе нетленну, и Ходатаицу спасения показал еси поющим:

Слава Тебе, Сыне Божий, Тя рождшую Матерь милосердия показавый.

Слава Тебе, Тую и по Рождестве Деву сохранивый.

Слава Тебе, спасти Адама пришедшему.

Слава Тебе, Евины слезы утолившему.

Слава Тебе, вся спасти пришедый.

Слава тебе, Воскресения образ облиставый.

Слава Тебе, грехов наших рукописание раздравый.

Слава тебе, Собою смирения образ нам показавый.

Слава Тебе, нас ради обнищавшему.

Слава Тебе, Твоею нищетою нас обогатившему.

Слава Тебе, одеждою спасения нас одеявшему.

Слава Тебе, Твоею любовию нас усладившему. Иисусе, Сыне Божий, воплотивыйся нас ради, слава Тебе.

 

Кондак 8


Странное и преславное Рождество Твое видевше, в вертепе совершаемое, устранимся сует паче мира, ум на Божественная земли явися смиренный человек, да на Небеса возведет, Тому вопиющия: Аллилуиа.

 

 

Икос 8


Весь еси желание, весь сладость любящим Тя, Христе Боже, и Твое Божественное снисхождение славящим: от Девы бо Чистыя рождшся на земли, нас на Небеса возводиши, поющих:

Слава Тебе, Сыне Божий, на земли родивыйся.

Слава Тебе, от Девы неизреченно воплотивыйся.

Слава Тебе, Себе нам показавшу.

Слава Тебе, нас от Тебе далече сущих призвавшу.

Слава Тебе, нам неизреченная радосте.

Слава Тебе, сердец наших сладосте.

Слава Тебе, в Рождестве Твоем свет спасения возсиявый.

Слава Тебе, слезы в наше спасение пролиявый.

Слава Тебе, теми пламень страстей наших угасивый.

Слава Тебе, нас от скверны греховныя омывый.

Слава Тебе, преступление разрушившему.

Слава Тебе, от тления нас избавльшему. Иисусе, Сыне Божий, воплотивыйся нас ради, слава Тебе.

 

 

Кондак 9


Всякое разумение и всяк ум ангельский и человеческий не постигает Твоего непостижного Рождества, Владыко, Таинства разумети; обаче, Владыко Благий, нашу любовь и веру приими; и спаси нас, Тебе поющих: Аллилуиа.

 

 

Икос 9


Вития многовещанныя, яко рыбы безгласныя, видим о Твоем воплощении Владыко, недоумеют бо глаголати, како Бог сый совершен, человек совершенный явися, и от Девы неискусобрачныя како родися; мы же Тайны неиспытующе, верою единою славим, вопиюще:

Слава Тебе, Ипостасная Божия Премудросте.

Слава Тебе, неизглаголанная всем Радосте.

Слава Тебе, любомудры немудрыя явивый.

Слава Тебе, о Тебе испытующих посрамивый.

Слава Тебе, вся баснотворная плетения растерзавый.

Слава Тебе, свет Боговедения всем возсиявый.

Слава Тебе, мудрость во Твоих делех пролиявый.

Слава Тебе, многим разумы просветившему.

Слава Тебе, путь спасения нам показавшему.

Слава Тебе, неизчетная бездна милосердия.

Слава Тебе, пучино щедрот и человеколюбия. Иисусе, Сыне Божий, воплотивыйся нас ради, слава Тебе.

 

 

Кондак 10


Спасти восхотев мир погибающий, иже всех украситель, от Девы, яко младенец раждается и во яслех пеленами повивается, разрешаяй многоплетенныя пленицы прегрешений: И Сын сый Божий, Девыя Сын бывает! И вся мудре устрояет да спасет Тому поющия: Аллилуиа.

 

 

Икос 10


Стена и столп злобы богопротивныя и род пребеззаконный показася, жизнь всем подающаго убити богоборец тщашеся, и незлобивыя младенцы, яко класы незрелы мечи пожинахуся: тем же и мы злобу всякую от сердец наших отринувше, нас спасти пришедшаго прославим вопиюще:

Слава Тебе, иродово умышление тщетно показавый.

Слава Тебе, от того избиеныя младенцы со ангелы сопричтавый. Слава Тебе, злобы потребителю.

Слава Тебе, смирения Наставниче и смертных Любителю.

Слава Тебе, рог гордости сломившу.

Слава Тебе, свет правды всем воссиявшу.

Слава Тебе, кротости и смирению всех собою научившу.

Слава Тебе, вся в Твое познание приведшу.

Слава Тебе, Тя родшия утробу, Твоим Рождеством освятивый. Слава Тебе, от пастырей чудо и от волхвов дары приявый.

Слава Тебе, и безсловесныя Тебе сдужити научивый.

Слава Тебе, всю тварь освятивый. Иисусе, Сыне Божий, воплотивыйся нас ради, слава Тебе.

 

 

Кондак 11


Пение всякое побеждается, Твоему еже нас ради воплощению, достойно принести хотящих: и удобие есть молчание. Аще и равночисленныя песка морскаго песни приносим Ти, Царю Пресвятый, но ничтоже совершаем достойно: тем же со страхом поем: Аллилуиа.

 

 

Икос 11


Свет Тя незаходимый, сущии во тьме и сени смертней селящии, Спасе наш, узревши от Девы воссиявша: просветишася огнем Твоего Божества; и Тебе Премудрости и смысла Подателю пояху, сицевая вопиюще:

Слава Тебе, Сыне Божий, Свете неизреченный.

Слава Тебе, Солнце правды, Твоим Рождеством вся просветивый. Слава Тебе, многосветлое просвещение возсиявшему.

Слава Тебе, многотекущую благодати реку нам источившему. Слава Тебе, жаждущих водою спасения богатно напоившему.

Слава Тебе, любящим Тя иго благо и бремя Твое легко показавшему.

Слава Тебе, от бремене греховнаго нас облегчившему.

Слава Тебе, нас от работы вражия избавльшему.

Слава Тебе, Твоим на земли явлением вся возвеселивый.

Слава Тебе, нас утешатися пакибытием сотворивый.

Слава Тебе, нам желаний наших край Себе явивый.

Слава Тебе, нас врагов сущих ко Отцу примиривый. Иисусе, Сыне Божий, воплотивыйся нас ради, слава Тебе.

 

 

Кондак 12


Благодать всем подати и долги человеков разрешити пришедый, Спасе наш, Твоим Воплощением: тем и наша долги разреши и грехов рукописание раздери: Твое несказанное Рождество славящим и непрестанно поющим: Аллилуиа.

 

 

Икос 12


Поюще Твое вочеловечение, хвалим, благословим и покланяемся Тебе, Спасе наш; и веруем, яко Господь и Бог еси, спасаяй всех на Тя уповающих и Твое еже от Девы неизреченное Рождество славословящих и поющих таковая:

Слава Тебе, Сыне Божий, в вышних со Отцем и Духом покланяемый.

Слава Тебе, от всех колен небесных и земных славимый.

Слава Тебе, сокровенное от века таинство открывый.

Слава Тебе, Твою к нам неизреченную любовь явивый.

Слава Тебе, всея твари Украсителю.

Слава Тебе, нам всемилостивый Спасителю.

Слава Тебе, благочестно царствующих на земли скипетры утверждаяй.

Слава Тебе, святители благоговейныя и иереи премудростию и благолепием украшаяй.

Слава Тебе, Церкве основание и утверждение.

Слава Тебе, всем верным спасение и украшение.

Слава Тебе, телес наших Врачу и Исцеление.

Слава Тебе, душ наших Украсителю и Спасителю. Иисусе, Сыне Божий, воплотивыйся нас ради, слава Тебе.

 

 

Кондак 13


О, Пресладкий и Всещедрый Иисусе, Спасителю наш, Творче и Владыко! Приими ныне малое сие молебное благодарение и славословие наше, якожс приял еси от волхвов поклонение и дары; и сохрани нас, Твоих рабов, от всякия напасти: и грехов прощение даруй; и вечныя муки избави верно славящих Твое, от чистыя Девы, Рождество и вопиющих Ти: Аллилуиа.

 

(Этот кондак читается трижды, затем икос 1 и кондак 1)

 

 

 

ТРОПАРЬ

 

 

Тропарь, глас 4

 

Рождество Твое, Христе Боже наш, возсия мирови свет разума: в нем бо звездам служащии звездой учахуся Тебе кланятися Солнцу правды и Тебе ведети с высоты Востока, Господи, слава Тебе!

 

 

Кондак, глас 3-й

 

Дева днесь Пресущественнаго раждает, и земля вертеп Неприступному приносит; Ангели с пастырьми славословят, волсви же со звездою путешествуют; нас бо ради родися Отроча младо, превечный Бог.

 

 

Величание

 

Величаем Тя, Живодавче Христе, нас ради ныне плотию рождшагося от безневестныя и Пречистыя Девы Марии.

 

 

 

КАНОН

(Рождеству Христову)

 

Тропарь, глас 4-й

 

 

Рождество Твое Христе Боже наш, возсия мирови свет разума, в нем бо звездам служащии, звездою учахуся, Тебе кланятися Солнцу правды, и Тебе ведети с высоты востока, Господи, слава Тебе.

 

 

Канон, глас 1-й

 

Песнь 1

 

Ирмос: Христос раждается, славите; Христос с небес, срящите; Христос на земли, возноситеся. Пойте Господеви вся земля, и веселием воспойте людие, яко прославися.

 

Припев: Слава, Господи, Святому Рождеству Твоему.

 

Истлевша преступлением, по Божию образу бывшаго всего тления суща, лучшия отпадша Божественныя жизни, паки обновляет Мудрый Содетель, яко прославися.

 

Слава, Господи, Святому Рождеству Твоему.

 

Видев Зиждитель гиблема человека, руками егоже созда, приклонив небеса сходит. Сего же от Девы Божественныя Чистыя, всего осуществует, воистинну воплощься, яко прославися.

Слава: Мудрость, Слово и Сила, Сын сый Отчий и Сияние, Христос Бог, сил утаився, елико премирных, и елико на земли, и вочеловечься обновил есть нас, яко прославися.

И ныне: Тойже.

 

 

Песнь 3

 

Ирмос: Прежде век от Отца рожденному нетленно Сыну, и в последняя от Девы воплощенному безсеменно, Христу Богу возопиим: вознесый рог наш, Свят еси Господи.

 

Слава, Господи, Святому Рождеству Твоему.

 

Иже дохновения причащься лучшаго Адам перстный, и к тлению поползся женскою лестию, Христа от Жены видя, вопиет: Иже мене ради по мне быв, Свят еси Господи.

 

Слава, Господи, Святому Рождеству Твоему.

 

Сообразен бренному умалению растворением Христе быв, и причастием плоти горшия, подав Божественнаго естества, землен быв, и пребыв Бог, и возвысивый рог наш, Свят еси Господи.

Слава: Вифлееме веселися, князей Иудовых сый Царь: Израиля бо пасый, на рамех Херувимских, из Тебе пройде Христос яве: и вознесый рог наш, над всеми воцарися.

И ныне: Тойже.

 

Господи, помилуй. (Трижды) Слава, и ныне:

 

 

Ипакои, глас 8-й

 

Начаток языков, небо Тебе принесе, лежащему Младенцу во яслех, звездою волхвы призвавый, яже и ужасаше, не скиптры и престоли, но последняя нищета: что бо хуждше вертепа, что же смиреншее пелен? В нихже просия Божества Твоего богатство: Господи, слава Тебе.

 

 

Песнь 4

 

Ирмос: Жезл из корене Иессеова, и цвет от него Христе, от Девы прозябл еси, из горы хвальный приосененныя чащи, пришел еси воплощься от Неискусомужныя Невещественный и Боже: слава силе Твоей, Господи.

 

Слава, Господи, Святому Рождеству Твоему.

 

Егоже древле прорече Иаков, языков ожидание Христе, от колена Иудова возсиял еси, и силу Дамаскову, Самарийскую же корысть пришел еси испроврещи, лесть пременяя в веру боголепну: слава силе Твоей, Господи.

 

Слава, Господи, Святому Рождеству Твоему.

 

Волхва древле Валаама словес ученики, мудрыя звездоблюстители, радости исполнил еси, звезда от Иакова возсияв Владыко, языков начаток вводимый, приял же еси яве: слава силе Твоей, Господи.

Слава: Яко на руно во чрево Девы сшел еси дождь Христе, и яко капли на землю каплющия. Ефиопиа и Фарсис, и Аравийстии острови же, Сава, Мидов всю землю держащии, припадоша Тебе, Спасе: слава силе Твоей, Господи.

И ныне: Тойже.

 

 

Песнь 5

 

Ирмос: Бог сый мира, Отец щедрот, Великаго Совета Твоего Ангела, мир подавающа послал еси нам: тем Богоразумия к свету наставльшеся, от нощи утренююще, славословим Тя, Человеколюбче.

 

Слава, Господи, Святому Рождеству Твоему.

 

В рабех кесаревым повелением написатися покорься, и нас рабы сущия, врага и греха свободил еси Христе; весь же по нам обнищав, и перстнаго от самаго единения и общения богосоделал еси. (Дважды)

Слава: Се Дева, якоже древле рече, во чреве приемши родила есть Бога вочеловечшася, и пребывает Дева. Еяже ради примирившеся Богу грешнии, Богородицу сущую воистинну вернии воспоим.

И ныне: Тойже.

 

 

Песнь 6

 

Ирмос: Из утробы Иону младенца изблева морский зверь, якова прият: в Деву же всельшееся Слово, и плоть приемшее, пройде сохраншее нетленну. Егоже бо не пострада истления, Рождшую сохрани неврежденну.

 

Слава, Господи, Святому Рождеству Твоему.

 

Прииде воплощься Христос Бог наш из чрева, Егоже Отец прежде денницы раждает: правления же держа пречистых сил, в яслех скотиях возлежит, и пеленами повивается, разрешает же многоплетенныя пленицы прегрешений. (Дважды)

Слава: Юно из Адама Отроча смешения, родися Сын, и верным дадеся; будущаго века сей есть Отец и Начальник, и нарицается Великаго Совета Ангел: Сей Крепок Бог есть, и держай областию всю тварь.

И ныне: Тойже.

 

Господи, помилуй. (Трижды) Слава, и ныне:

 

 

Кондак, глас 3-й

 

Дева днесь Пресущественнаго раждает, и земля вертеп Неприступному приносит. Ангели с пастырьми славословят, волхви же со звездою путешествуют: нас бо ради родися Отроча младо, Превечный Бог.

 

 

Икос

 

Едем Вифлеем отверзе, приидите видим, пищу в тайне обретохом: приидите, приимем сущая райская внутрь вертепа. Тамо явися корень ненапоен, прозябая отпущение: тамо обретеся кладязь неископан, из негоже Давид пити древле возжадася. Тамо Дева рождши Младенца, жажду устави абие Адамову и Давидову. Сего ради к Нему идем, где родися Отроча младо, Превечный Бог.

 

 

Песнь 7

 

Ирмос: Отроцы благочестию совоспитани, злочестиваго веления небрегше, огненнаго прещения не убояшася, но посреди пламене стояще пояху: отцев Боже благословен еси.

 

Слава, Господи, Святому Рождеству Твоему.

 

Пастырие свиряюще, ужасно светоявление получиша: слава бо Господня облиста их, и Ангел, воспойте, вопия: яко родися Христос, отцев Бог Благословенный.

 

Слава, Господи, Святому Рождеству Твоему.

 

Внезапу с словом Ангеловым небесная воинства, слава, вопияху, Богу в вышних, на земли мир, в человецех благоволение: Христос возсия, отцев Бог Благословенный.

Слава: Глагол что сей, рекоша пастырие? Прешедше увидим бывшее, Божественнаго Христа. Вифлеема же дошедше, с Рождшею покланяхуся, воспевающе, отцев Боже благословен еси.

И ныне: Тойже.

 

 

Песнь 8

 

Ирмос: Чуда преестественнаго росодательная изобрази пещь образ, не бо яже прият палит юныя, яко ниже огнь Божества Девы, в Нюже вниде утробу. Тем воспевающе воспоем: да благословит тварь вся Господа и превозносит во вся веки.

 

Слава, Господи, Святому Рождеству Твоему.

 

Влечет вавилоня дщи отроки плененныя Давидовы от Сиона к себе, дароносцы же слет волхвы дети, Давидове Богоприятней Дщери молящияся. Тем воспевающе воспоим: да благословит тварь вся Господа, и превозносит во вся веки.

 

Слава, Господи, Святому Рождеству Твоему.

 

Органы уклониша плачевныя песни, не пояху бо в земли чуждей отроцы Сионовы: вавилонскую же разрешает лесть всю и мусикийския составы, в Вифлееме возсияв Христос. Тем воспевающе воспоим: да благословит тварь вся Господа, и превозносит во вся веки.

Слава: Корысти Вавилон царства Сионя, и плененное богатство прият: сокровища же Христос в Сион сего, и цари звездою наставляя звездоблюстители влечет. Тем воспевающе воспоим: да благословит тварь вся Господа и превозносит во вся веки.

И ныне: Тойже.

 

 

Песнь 9

 

Ирмос: Таинство странное вижу и преславное; небо, вертеп; Престол Херувимский, Деву; ясли, вместилище, в нихже возлеже невместимый Христос Бог, Егоже воспевающе величаем.

 

Слава, Господи, Святому Рождеству Твоему.

 

Изрядное течение зряще волсви необычныя новыя звезды новосияющия, небеса просвещающия, Христа Царя знаменующия на земли рождшагося в Вифлееме на спасение наше.

 

Слава, Господи, Святому Рождеству Твоему.

 

Новорожденное, волхвом глаголющим, Отроча Царь, Егоже звезда яви, где есть? Тому бо поклонится приидохом; яряся Ирод смущашеся, Христа убити, богоборец шатаяся.

Слава: Испыта Ирод время звезды, еяже вождением волсви в Вифлееме покланяхуся Христу с дары; еюже ко отечеству наставляеми, лютаго детоубийцу оставиша поругана.

И ныне: Тойже.

 

 

Задостойник

Любити убо нам, яко безбедное страхом, удобее молчание, любовию же Дево, песни ткати спротяженно сложенныя, неудобно есть: но и Мати, силу, елико есть произволение, даждь.

 

Фото иконы: http://moskva.retarka.ru/index.php?id=28

 

 

 

Обновлено 08.12.2012 11:53
 






Рейтинг@Mail.ru Рейтинг@Mail.ru Rambler's Top100 Яндекс.Метрика