Петр и Павел Святые Первоверховные Апостолы
 
 
 







Петр и Павел Святые Первоверховные Апостолы PDF Печать E-mail
Молитвы и о молитвах - Молитвы и акафисты святым
02.07.2013 23:29

 

Святые Первоверховные Апостолы Петр и Павел

 

1pp

 

(29 июня / 12 июля)

 

 

АПОСТОЛ ПЕТР

 

   Апостол Петр, называвшийся прежде Симоном, был сыном рыбака Ионы из Вифсаиды Галилейской и братом апостола Андрея Первозванного, который и привел его ко Христу. Святой Петр был женат и имел дом в Капернауме. Призванный Христом Спасителем за рыбной ловлей на Геннисаретском озере, он всегда выражал особенную преданность и решительность, за что и удостоен был особенного приближения к Господу вместе с апостолами Иаковом и Иоанном Богословом.

  Сильный и пламенный духом, он, естественно, занял влиятельное место в лике Христовых апостолов. Он первый решительно исповедал Господа Иисуса Христа Христом, то есть Мессией, и за это удостоился наименования Камень (Петр). На этом камне Петровой веры Господь обещал создать Церковь Свою, которую врата адовы не одолеют.

  Свое троекратное отречение от Господа накануне Его распятия апостол Петр омыл горькими слезами раскаяния, вследствие чего после Своего воскресения Господь вновь восстановил его в апостольском достоинстве, троекратно, по числу отречений, поручив ему пасти ягнят и овец Своих. Согласно преданию, апостол Петр каждое утро при звуке петуха вспоминал свое малодушное отречение от Христа и начинал горько плакать.

   Апостол Петр первый содействовал распространению и утверждению Церкви Христовой после сошествия Святого Духа, произнеся сильную речь перед народом в день Пятидесятницы и обратив 3000 душ ко Христу. Спустя некоторое время, исцелив хромого от рождения, он второй проповедью обратил к вере еще 5000 иудеев. Духовная сила, исходившая от апостола, Петра была настолько сильна, что даже тень его, осеняя лежащих на улице больных, исцеляла их (Деян. 5:15). Книга Деяний с 1-ой главы по 12-ую рассказывает о его апостольской деятельности.

   Внук Ирода Великого, Ирод Агриппа Первый, в 42-ом году после Р. Хр. воздвиг гонение против христиан. Он умертвил апостола Иакова Заведеева и заключил апостола Петра в темницу. Христиане, предвидя казнь апастола Петра, горячо за него молились. Ночью случилось чудо: в темницу к Петру сошел Ангел Божий, оковы спали с Петра, и он беспрепятственно ушел из темницы, никем не замеченный. После этого чудесного освобождения книга Деяний упоминает о нем только еще раз при рассказе об Апостольском соборе.

  Другие сведения о нем сохранились только в церковных преданиях. Известно, что он проповедовал Евангелие по берегам Средиземного моря, в Антиохии (где рукоположил еп. Еводия). Апостол Петр проповедовал в Малой Азии иудеям и прозелитам (язычникам, обращенным в иудейство), потом – в Египте, где рукоположил Марка в первого епископа Александрийской церкви. Отсюда он перешел в Грецию (Ахаию) и проповедовал в Коринфе, потом проповедовал в Риме, Испании, Карфагене и Британии.

  Первое Соборное Послание апостола Петра обращено к “пришельцам, рассеянным в Понте, Галатии, Каппадокии, Асии и Вифинии” – провинциях Малой Азии. Причиной написания было желание апостола Петра утвердить братьев своих при возникновении нестроений в этих общинах и гонениях, постигших их со стороны врагов Креста Христова. Появились среди христиан и внутренние враги в лице лжеучителей. Пользуясь отсутствием апостола Павла, они начали искажать его учение о свободе христианской и покровительствовать всякой нравственной распущенности.

    Второе Соборное послание написано к тем же малоазиатским христианам. В этом втором послании апостол Петр с особой силой предостерегает верующих от развратных лжеучителей. Эти лжеучения сходны с теми, которые обличает апостол Павел в посланиях к Тимофею и Титу, а также апостол Иуда – в своем Соборном послании. Лжеучения еретиков угрожали вере и нравственности христиан. В то время стали быстро распространяться гностические ереси, впитавшие в себя элементы иудейства, христианства и различных языческих учений. Это Послание написано незадолго до мученической кончины апостола Петра: “Знаю, что скоро должен я оставить храмину мою (тело), как и Господь наш Иисус Христос открыл мне.”

    К концу жизни апостол Петр снова прибыл в Рим, где и принял мученическую кончину в 67-ом году через распятие вниз головой. Это событие художественно описано Генрихом Сенкевичем в книге “Камо грядеши, Господи.”

 

 

АПОСТОЛ ПАВЕЛ

 

   Святой Павел, первоначально носивший еврейское имя Савл, принадлежал к колену Вениаминову и родился в киликийском городе Тарсе (в Малой Азии), который тогда славился своей греческой академией и образованностью своих жителей. Как уроженец этого города, происходивший от иудеев, вышедших из рабства у римских граждан, Павел имел права римского гражданина. В Тарсе Павел получил свое первое воспитание и, вероятно, там же познакомился с языческой культурой, ибо в его речах и посланиях ясно проглядывают следы знакомства с языческими писателями.

    Последующее образование он получил в Иерусалиме, в славившейся тогда раввинской академии у знаменитого учителя Гамалиила, который считался знатоком Закона и, несмотря на принадлежность к партии фарисеев, был человеком свободомыслящим и любителем греческой мудрости. Здесь же, по принятому у евреев обычаю, молодой Савл изучил искусство делать палатки, которое потом помогло ему зарабатывать средства на пропитание собственным трудом.

   Молодой Савл, видимо, готовился к должности раввина (религиозного наставника), а потому сразу же после окончания своего воспитания и образования он проявил себя сильным ревнителем фарисейских преданий и гонителем веры Христовой. Может быть по назначению синедриона он стал свидетелем смерти первомученика Стефана, а затем получил власть официально преследовать христиан даже за пределами Палестины в Дамаске.

   Господь, усмотревший в нем “сосуд избранный Себе,” на пути в Дамаск чудесным образом призвал его к апостольскому служению. Во время путешествия Савла осветил ярчайший свет, от которого он слепым упал на землю. Из света раздался голос: “Савл, Савл, почему ты гонишь Меня?” На вопрос Савла: “Кто Ты?” – Господь ответил: “Я Иисус, Которого ты гонишь.” Господь повелел Савлу идти в Дамаск, где ему будет указано, что делать дальше. Спутники Савла слышали голос Христа, но света не видели. Приведенный под руки в Дамаск, ослепший Савл был научен вере и на третий день крещен Ананией. В момент погружения в воду Савл прозрел. С этого времени он сделался ревностным проповедником прежде гонимого им учения. На время он отправился в Аравию, а затем снова вернулся в Дамаск для проповеди о Христе.

  Ярость иудеев, возмущенных его обращением ко Христу, заставила его бежать в Иерусалим, где он присоединился к обществу верующих и познакомился с апостолами. Из-за покушения эллинистов на его жизнь он отправился в свой родной г. Тарс. Отсюда в 43-ом году он был вызван Варнавой в Антиохию для проповеди и потом путешествовал вместе с ним в Иерусалим, куда привез помощь нуждающимся.

    Вскоре после возвращения из Иерусалима – по повелению Духа Святого - Савл вместе с Варнавой отправились в свое первое апостольское путешествие, продолжавшееся с 45-го по 51-ый год. Апостолы прошли весь остров Кипр, и с этого времени Савл, когда обратил к вере проконсула Сергия Павла, именуется уже Павлом. За это время миссионерского путешествия Павла и Варнавы были основаны христианские общины в малоазийских городах: Антиохии Писидийской, Иконии, Листре и Дервии. В 51-ом году святой Павел принял участие в Апостольском Соборе в Иерусалиме, где горячо восставал против необходимости для язычников, ставших христианами, соблюдать обряды Моисеева закона.

  Вернувшись в Антиохию, апостол Павел в сопровождении Силы предпринял второе апостольское путешествие. Сначала он посетил ранее основанные им церкви в Малой Азии, а затем перешел в Македонию, где основал общины в Филиппах, Солуни и Верии. В Листре святой Павел приобрел любимого ученика своего Тимофея, а от Троады продолжал путешествие с присоединившимся к ним евангелистом Лукой. Из Македонии святой Павел перешел в Грецию, где проповедовал в Афинах и Коринфе, задержавшись в последнем на полтора года. Отсюда он послал два послания к Солунянам. Второе путешествие длилось с 51-го по 54-ый год. Потом святой Павел отправился в Иерусалим, посетив по пути Ефес и Кесарию, а из Иерусалима прибыл в Антиохию.

   После недолгого пребывания в Антиохии апостол Павел предпринял третье апостольское путешествие (56-58 гг.), посетив сначала, по обычаю своему, ранее основанные малоазийские церкви, а затем остановился в Ефесе, где в течение двух лет занимался ежедневно проповедью в училище Тиранна. Отсюда он написал свое послание к Галатам (по поводу усиления там партии иудействующих) и первое послание к Коринфянам (по поводу возникших там беспорядков и в ответ на письмо Коринфян к нему). Народное восстание, поднятое серебряных дел мастером Димитрием против Павла, заставило апостола оставить Ефес, и он отправился в Македонию, а затем в Иерусалим.

    В Иерусалиме из-за возникшего против него народного мятежа апостол Павел был взят под стражу римскими властями и оказался в заточении, сначала при проконсуле Феликсе, а потом при сменившем его проконсуле Фесте. Это случилось в 59-ом году, а два года спустя апостол Павел как римский гражданин, по его желанию был отправлен в Рим на суд кесаря. Потерпев кораблекрушение у о. Мальты, апостол только летом 62-го года достиг Рима, где пользовался большим снисхождением римских властей и свободно проповедовал. Из Рима апостол Павел написал свои послания к Филиппийцам (с благодарностью за присланное ему с Епафродитом денежное пособие), к Колоссянам, к Ефесянам и к Филимону, жителю Колосс (по поводу бежавшего от него раба Онисима). Все эти три послания были написаны в 63-ом году и отправлены с Тихиком. Из Рима же вскоре написано и послание к палестинским евреям.

   Дальнейшая судьба апостола Павла в точности неизвестна. Некоторые считают, что он оставался в Риме и по повелению Нерона был предан мученической смерти в 64-ом году. Но есть основания предполагать, что после двухлетнего заключения и защиты своего дела перед сенатом и императором апостол Павел был освобожден и снова путешествовал на Восток. Указания на это можно найти в его “пастырских посланиях” – к Тимофею и Титу. Пробыв долгое время на острове Крит, он оставил там своего ученика Тита для рукоположения пресвитеров по всем городам, что свидетельствует о рукоположении им Тита в епископа Критской церкви. Позже в своем послании к Титу апостол Павел наставляет его, как проходить обязанности епископа. Из этого же Послания видно, что он предполагал провести ту зиму в Никополе, близ родного Тарса.

  Весной 65-го года он посетил остальные малоазийские церкви и в Мелите оставил больного Трофима, из-за которого произошло возмущение против апостола в Иерусалиме, повлекшее за собой его первое заключение. Проходил ли апостол Павел через Ефес, неизвестно, так как он говорил, что пресвитеры ефесские уже не увидят его лица, но он, по-видимому, в это время рукоположил Тимофея во епископа для Ефеса. Далее апостол проходил через Троаду и достиг Македонии. Там он услышал об усилении лжеучений в Ефесе и написал свое первое послание к Тимофею. Пробыв некоторое время в Коринфе и встретившись на пути с апостолом Петром, Павел вместе с ним продолжал путь через Далматию и Италию, дошел до Рима, где оставил апостола Петра, а сам уже в 66-ом году отправился далее на запад, дойдя, вероятно, до Испании.

   После возвращения в Рим он был снова заключен в темницу, в которой и находился до смерти. Есть предание, что после возвращения в Рим он проповедовал даже при дворе императора Нерона и обратил к вере во Христа его любимую наложницу. За это он был предан суду, и хотя милостью Божией избавлен был, по собственному выражению, от львиных челюстей, то есть от съедения зверями в цирке, однако был заключен в темницу.

  После девятимесячного заключения он был усечен мечём, как римский гражданин, недалеко от Рима в 67-ом году после Р. Хр., в 12-й год царствования Нерона.

   При общем взгляде на жизнь апостола Павла видно, что она резко делится на две половины. До своего обращения ко Христу святой Павел, тогда Савл, был строгим фарисеем, исполнителем закона Моисеева и отеческих преданий, думавшим оправдаться делами закона и ревностью к вере отцов, доходившей до фанатизма. После своего обращения он стал апостолом Христовым, всецело преданным делу евангельского благовестия, счастливым в своем призвании, но сознающим свое собственное бессилие при исполнении этого высокого служения и приписывающим все свои дела и заслуги благодати Божией. Вся жизнь апостола до обращения, по глубокому убеждению его, была заблуждением, грехом и вела его к осуждению. Только всесильная благодать Божия смогла поставить его на путь спасения. С этого времени апостол Павел старается лишь быть достойным Божьего призвания. Он сознает, что нет и не может быть речи о каких бы то ни было заслугах перед Богом: все – дело Его милости.

  Апостол Павел написал 14 посланий, представляющих собой систематизацию христианского учения. Эти послания, благодаря его широкому образованию и проницательности, отличаются большой самобытностью.

   Апостол Павел, как и апостол Петр, много потрудился в распространении Христовой веры и справедливо вместе с ним почитается “столпом” Церкви Христовой и первоверховным апостолом.

 

 

 

АКАФИСТ

 

 

Кондак 1

 

Избраннии проповедницы Агнца Непорочнаго, за ны закланнаго, Христа Бога, преславнии апостоли Петре и Павле! Яко Боговедением концы мира озарившии и обильно струями благодати напоившии, и ныне с любовию призрите на чтущия усердно память вашу. Исполните нас духа премудрости, сердца наша верою утвердите, да непрестанно благодарственная вам поем, со умилением зовуще: Радуйтеся, святии первоверховнии апостоли Петре и Павле.

 

 

Икос 1

 

Ангели благовестницы явитеся на земли, апостоли Петре и Павле блаженнии, зане от Самаго Виновника спасения нашего на делание ваше призвани бывше, широту всей земли обтекосте, иудеем и еллином Христа распятаго, Божию Силу и Божию Премудрость проповедающе. Темже и мы, светом учений ваших озаряеми, сердцем и усты взываем к вам сицевая:

Радуйтеся, звезды светозарныя, от востока возсиявшия и всем людем путь ко Христу показавшия;

Радуйтеся, Церкве Христовы утверждение и столпи непоколебимии.

Радуйтеся, власть вязати и решити грехи наша от Христа приимшии;

Радуйтеся, во святых писаниих ваших к вере и упованию на Бога вся ны призывающии.

Радуйтеся, в житии вашем образы обращения согрешающим явившии,

Радуйтеся, высоту любве истинныя словом и делом нам показавшии.

Радуйтеся, святии первоверховнии апостоли Петре и Павле.

 

 

Кондак 2

 

Видя тя, апостоле Петре, на море Галилейстем вкупе со Андреем, братом твоим, вметающа мрежи, Господь рече вам: грядита по Мне, и сотворю вы ловца человеком. И абие, оставльше мрежи, по Нем идосте. Темже, красото Церкви вселенския, сотвори и нас предстательством твоим скоры быти на делание заповедей Божиих, косны же ко греху, да, злобою младенствующе, достигнем вси в меру возраста мужа совершенна, поюще Богови: Аллилуиа.

 

 

Икос 2

 

Разум Божественный освети тя, Павле, избранный сосуде Божий, егда, ревнуя о отеческих преданиих, шествовал еси в Дамаск гонити Церковь Христову. Тогда бо внезапу сияние Славы Господни облиста тебе и глас бысть с Небесе: Савле, Савле, что мя гониши? Ты же, аще зрением плотским омрачился еси, но духом узрел еси Силу и Славу Христа распята, тьму просвещающа и любовию Церковь Свою созидающа, и того ради пленился еси духом, покаяние и послушание неся и глаголя: «Господи, что сотворю?». Посем, восприим жребий апостольства от руки Господни и крещение водою и Духом от Анании блаженнейшаго, явился еси предивно сосуд избранный благодати и свидетель немолчный Спасителя нашего, от Негоже и мы, просвещаемии, пети тебе навыкохом сицевая:

Радуйся, светлосте церковная, от Света Неизреченного на пути пречудно во откровение языков возжженная;

Радуйся, знамения Силы Божия в житии твоем чудно явивый и тем уста не покоривым на веки заградивый.

Радуйся, сосуде избранный, меньша от апостол и первого от грешник себе сокрушенно нарекий;

Радуйся, якоже Херувим тайнозритель, даже до третияго Небесе верою и любовию вознесенный.

Радуйся, якоже Серафим пламенный, ревностию по Бозе непрестанно снедаемый и истаеваемый;

Радуйтеся, Павле и Петре, благовестия трубы громогласныя, основания ветхого мира, якоже Иерихон вторый сокрушившия.

Радуйтеся, святии первоверховнии апостоли Петре и Павле.

 

 

Кондак 3

 

Сила Вышняго, в немощех познаваемая, излия на тя, Павле, адаманте веры, благодать на благодать, зане неложно исповедал еси: Вся могу о укрепляющем мя Иисусе. И воистинну проповедал еси Евангелие во явлении Духа и силы, творя великая и неизреченная, славная же и ужасная, яко неведущии Бога Боговедению научахуся, сердца ожесточенная елеем милосердия напаяхуся и вся овцы расточенныя во ограду Пастыря Единаго отвсюду стекахуся, Емуже и пети согласно научишася: Аллилуиа.

 

 

Икос 3

 

Имея дерзновенную любовь ко Господу, шествовал еси, Петре, по водам воздвизаемым, яко по суху. Но аще и потоплением был еси устрашаем и сомнением обуреваем, не потопился еси в пучине, понеже простерл еси руце и очи ко Спасу вопил Ему из глубины сердечныя: Господи, спаси мя. И в той час руку помощи восприял еси от Христа, Избавителя нашего. Тако и мы в еси юдоли земной, бедами устрашаеми и волнами страстей потопляеми, взирающе на течение твое, к тихому пристанищу добре нас наставляющее, благодарственно воспеваем ти сице:

Радуйся, каменю веры многоценный, от Камене Краеугольна избранный и утвержденный;

Радуйся, храме Духа Святого, многоразличными дарованьми от Того преизрядно украшенный.

Радуйся, рыбарю препростый, премудрости Божия исполненный, ейже от человек никтоже противитися может;

Радуйся, самовидче величия Божия, паче царей и славных земли от Господа на вся веки прославленный.

Радуйся, хартие одухотворенная, в нюже огненными писмены слово Божие вписася;

Радуйся, с Павлом апостолом светило равночестное и незаходимое.

Радуйтеся, святии первоверховнии апостоли Петре и Павле.

 

 

Кондак 4

 

Бурю лютых искушений воздвиже древле человекоубийца, искони иский Церковь Божию потребити и ученики Спасовы, якоже пшеницу разсеяти: но Господь молися о тебе, Петре, да не оскудеет вера твоя. И тако, от Спаса просвещаем и от Него в немощи укрепляем, воистинну сокрушил еси челюсти вражия и обращся утвердил еси братию твою, поя Богу: Аллилуиа.

 

 

Икос 4

 

Слышаще, Павле премудре, о дивнем избрании твоем, во еже возвестити имя Господа Иисуса народом и царем и сыном Израилевым, и видяще та в слове, в житии, в любви, в дусе, в вере, в чистоте, якоже света языком во спасение их поставлена, невернии верою просвещахуся, вернии же, ликовствующе, Господа прославляху. Темже и мы, сорадоватися заповедь приемше, приносим ти гласом радования таковая:

Радуйся, верный служителю Христов, вся славная мира якоже сор и прах вменивый и всем себе поработивый Христа ради и Евангелиа;
Радуйся, добрый воине Христов, во вся оружия Божия облеченный и вся языки в послушание Христово покоривый.
Радуйся, жертва приятнейшая, Христу сораспеншаяся, Христа ради по вся дни умирати приобыкшая;
Радуйся, сеятелю слезами многими, узниче и исповедниче преславный, язвы Господа Иисуса Христа на теле твоем радостно носивый.

Радуйся, слава и похвала Церкве Вселенския, позорище мирови бывый, глад, жажду, наготу, биение и поругание за Христа многочастне претерпевый;

Радуйтеся, Павле и Петре, апостолов украшение, миру благовестницы Церкве утверждение.

Радуйтеся, святии первоверховнии апостоли Петре и Павле.

 

 

Кондак 5

 

Боготечная звезда явился еси, Павле, егда течение твое, пресветло начен от Дамаска, даже до Рима простерл еси и якоже прежде звезда от восток научи волхвы кланятися Солнцу Правды, сице и ты, Богомудре, путь ко Христу показал еси всем, хотящим достигнута спасения, взывая со дерзновением многим: подражатели мне бывайте, якоже и аз Христу. Емуже и пети научил еси нас единеми усты: Аллилуиа.

 

 

Икос 5

 

Видев на горе Фаворстей Славу Единороднаго от Отца, одеяна Светом, яко ризою, хотяща же за ны облещися в ризу поругания, глаголал еси, Петре, Иисусови, провидя Славу несказанную искупленных Кровию Агнца Непорочна Христа: Господи, добро есть нам зде быти. Сего ради и мы, роди дальний, лишени чистоты светозарныя, аще и недостойни суще, обаче твоим ангельским гласом призваннии к наследию нетленну, чисту, неувядаему, соблюдаему на Небесех, якоже общницы хотящей открытися Славе, воспеваем ти сице:

Радуйся, блаженне, от Присносущныя Истины достойно "блажен" нареченный;

Радуйся, бисере предобрый, от Господа при езере обретенный и светом от Света осиянный.

Радуйся, от Самого Искупителя рода человеча на проповедь Евангелия посланный;

Радуйся, воистинну ловец человеков явивыйся, ты бо, якоже и прежде, благодатию влечеши души омраченныя в чудный Свет Христа Бога.

Радуйся, источниче животворный, от Источника жизни вечныя истекий и от богатства даров Духа Святого жаждущия души напояяй;

Радуйтеся, Петре и Павле, якоже Серафими шестокрилатии, у Престола Царя Славы парящии и ко свету Таин Божиих приницающии.

Радуйтеся, святии первоверховнии апостоли Петре и Павле.

 

 

Кондак 6

 

Проповедник немолчен и по смерти твоей, Петре Богоносце, явился еси, зане с неба мысленнаго, якоже гром таинственный, о звании христианстем многоразлично напоминаеши. Мы же, ведяще любовь твою николиже отпадающу и молитву о нас непрестанно у Престола Божия деему, поем сердцем умиленным: Аллилуиа.

 

 

Икос 6

 

Возсиял еси, Павле великоимените, знаменьми и чудеси вскоре, отнележе Дух Святый во Антиохии повеле ти начати превеликое служение апостола языков: таже, достиг Кипра, Елимы волхва зрение омрачил еси и Сергиа проконсула светом истины озарил еси. Сподоби и нас, света сего причащшихся, прославити дивная дела твоя в песнех и пениих духовных и воспевати тебе таковая:

Радуйся, свете сердец кротких и разумных, яже, яко доилица, грееши и пестунствуеши писаньми твоими Богодухновенными;
Радуйся, жезле наказания, сосуды лжи и льсти до конца сокрушаяй, сердца же сокрушенная на недвижимый Камень Веры ввоздвизаяй.
Радуйся, Христово Евангелие в себе воплотивый и сего ради превыше видимых вознесенный и прославленный;

Радуйся, уста медоточная, радость многую апостолом и верным возвестившая, яко отверзе тобою Господь дверь спасения всем языком.

Радуйся, ревнителю по Бозе, новый Илие, не на чуждом основании созидаяй и ревностию твоею страны дальния обтекаяй;

Радуйтеся, Павле и Петре, весь мир между вами разделивший, во еже овому убо быти апостолу языков, другому же проповедати народу избранному.

Радуйтеся, святии первоверховнии апостоли Петре и Павле.

 

 

Кондак 7

 

Хотя истину утвердити и мир Церкви оградити, пришел еси, Павле, поборниче правды, во святый град, в немже на собрании святых апостол и верных свидетельствовал еси вкупе с Петром и Варнавою, яко Дух Святый дышет, идеже хощет, даруя благодать Свою независтно иудеем и еллином обрезанным, и верою вся спасая, а не мертвенными делы ветхого закона. И тако воистинну вси верили, свободу и мир получивше, союзом любве связуеми, благодарственно воспевают Богови: Аллилуиа.

 

 

Икос 7

 

Новаго Архангела, провозвестника тайны, от века сокровенныя, избра та, апостоле Петре, Господь, егда вопроси ученики Своя: вы же кого мя глаголете быти? Ты же, от Отца Небеснаго просвещаем, возвестил еси несомненное основание нашел веры, глаголя ко Спасу: ты еси Христос, Сын Бога Живаго. Того ради и мы, чтуще тя, яко Надежду нашего спасения неприкровенно исповедавша, взываем ти таковая:

Радуйся, Синаю новый, скрижаль спасения людем ясно показавый и свободу во Христе возвестивый;

Радуйся, первоположенный от Архитектона Небеснаго каменю веры и исповедания, на немже Церковь Христова необоримо основася.

Радуйся, первопоставленный вратарю входа райскаго, емуже первое обещася Господь дати ключи Царствия Небеснаго,

Радуйся, судие праведный, имый судити с прочими апостолы обеманадесяте коленома Израилевома.

Радуйся, яко очеса и ушеса твоя блаженная Христа Спаса нашего, Егоже лицезрети пророцы пламенне желаху во плоти суща на земли видеша и слышаша;

Радуйтеся, Петре и Павле, имущий ноги благовествования краснейшия и сердца освященная, вы бо Евангелию послужисте и евангельски пожнете.

Радуйтеся, святии первоверховнии апостоли Петре и Павле.

 

 

Кондак 8

 

Странное чудо и неудобь разумеваемое явился еси, Петре, мудрствующим земная, яко незнатна мира и уничижена избра тя Господь, и посрамил еси мудрыя, одолел еси царства, привел еси сонмы омраченных ко Свету Истины, и доныне, якоже столп огненный, озаряеши вся земнородныя, указуя несомненный путь во блаженное отечество. Сего ради, богатству благодати в тебе дивящеся, поем Богу: Аллилуиа.

 

 

Икос 8

 

Всем был еси вся, Павле, любовию всех объемля, словом спасения дальних и ближних достизая, верою вся превозмогая: зане и в Филиппех, мир благовествуя, аще и палицами биен был еси люто и в темницу во оковах ввержен, но воспел еси тамо вкупе с Силою песнь чудную хвалы и благодарения Богу, Иже и возгреме рабом Своим трусом велиим, яко и основания темничная поколебашася и двери отверзошася. Мы же, видяще та, премудро, тьму узилища светом Боговедения озаряюща и свободу о Христе узником подающа, воспеваем ти сицевая:

Радуйся, узниче Христов, темницу во храм претворивый и узами твоими демонов цепи людем разрешивый;

Радуйся, сильно, немощи немощных понесый, не себе, но ближним угождати иский.

Радуйся, пречудне, узами и скорбьми хваливыйся, радоватися с радующимися и плакати с плачущими научивый;

Радуйся, умерый греху но присно живый Богови, тебе бо жизнь Христос и смерть приобретение.

Радуйся, образе неусыпного делания, задняя забываяй, в предняя простираяйся и всем помышлением к почести вышняго звания текий;

Радуйтеся, Павле и Петре, даже до смерти мученически Господу послужившии и сею, яко венцем, подвиг ваш венчавшии.

Радуйтеся, святии первоверховнии апостоли Петре и Павле.

 

 

Кондак 9

 

Вся ко Христу приводя, возвестил еси, Павле, во Афинех мнящимся мудрым быта Премудрость, свыше сходящую, да, водяще суетная, отселе уведят Бога, невидимаго им, и осяжут Его, о Нем бо живем и движемся и есмы. Темже и мы, благодатию неизреченною разум истины восприемше и сердцем неложно, яко благ Господь, постигше, поем Ему верою твердою, якоже перстом от Фомы, осязуему: Аллилуиа.

 

 

Икос 9

 

Ветийствовати не можаше язык человечь, егда Господь Сил нозе рабом Своим умываше и лентием отираше. Ты же, Петре, страхом побеждаем, аще возгласил еси: не умыеши ногу моею во веки, но абие весь в послушание преложился еси, егда услышал еси глагол, реченный от Господа: аще не умыю тебе, не имаши части со мною. И тако всем сердцем возопил еси: Господи, не нозе мои токмо, но и руце, и главу Мы же, ведяше тя в сих, якоже злато во огни искушения, очищаема и познавающе от смирения к послушанию восхождение твое, таинству Божия Промышления покланяющеся, воспеваем ти сердцем смиренным таковая:

Радуйся, Петре, очеса орля, имиже зрел еси Солнце Правды Христа Бога, Иуде нозе умывшаго и от него лобзанием лукавым преданнаго;

Радуйся, на веки уневестивыйся Христу, ты бо, Агнцу Непорочну якоже агнец, последуя, до заклания твоего верность соблюл еси. Радуйся, углю неугасимый, от жертвенника Небеснаго огнем любве Божественныя непрестанно объятый;

Радуйся, светильниче горяй и светай, роды родов светом правды озаряяй.

Радуйся, грозде многообильный винограда Христова, на радость мира многопечальнаго возращенный;

Радуйтеся, Петре и Павле, Христа Бога в себе верно вообразившии.

Радуйтеся, святии первоверховнии апостоли. Петре и Павле.

 

 

Кондак 10

 

Спасения во Христе неизследимую пучину и покаяния многую силу явил еси в себе, Петре, егда трикраты по предреченному отверглся еси Господа: не вем Человека сего! Егда клялся и ротился еси во дворе архиереа, но абие, воспомянув глагол Иисусов, вне текл еси, плачася горько. Мы же, умильне взирающе на пресветлый сей образ сокрушения, в научение и обличение жестоковыйных сердец наших дарованный, поем Господу, паки дивно возвеличившему тя: Аллилуиа.

 

 

Икос 10

 

Стена и оружие непобедимое был еси, Павле, противу миродержителей тьмы века сего, яко и царство их в Коринфе, Ефесе и инех градех вселенныя сокрушил еси, тьму многобожия разгоняя и разум истины утверждая. Ты бо неложно показался еси Божий слуга в терпении мнозе, в скорбех, бедах, в теснотах, в ранах, темницах, в нестроениих, трудех, во бдениих, в пощениих, яко и ум наш недоумеет изрещи богатство доброты твоея, деннонощныя подвиги со слезами многими. Того ради, зряще море любве твоея, дерзающе молим: услыши нас, убогих, грешными усты глаголющих сицевая:

Радуйся, умерый греху благовестниче непобедимый, яко в тебе первое ветхаго человека победив, Христу сораспялся еси;

Радуйся, учителю многоплодный и волков хищных обличителю, яко тобою образ верным показал еси, присно бодрствуя и научая вся сугубо: словом и житием по слову.

Радуйся, всех обогатителю, яко, прежде сам обнищав и ничтоже имый, вся содержал еси;

Радуйся, о христианех пламенный ревнителю, обручивый я Христу, яко деву чисту, непорочную невесту.

Радуйся, утробе многоболезненная бывый о чадех твоих в муках рождения, дондеже вообразится в них Христос;

Радуйтеся, Павле и Петре, в Дусе единице согласная во едином граде верность Христу кровию запечатлевшим.

Радуйтеся, святии первоверховнии апостоли Петре и Павле.

 

 

Кондак 11

 

Пети и ублажати узы и страдания твоя, Павле многострадальне, достойно есть, яко токмо в терпении мнозе, но и с радостию предреченныя ти от Агава пророка узы восприял еси, и Церкви Кесарийстей свидетельствовал еси сине; не точию связан быта готов семь за имя Господа Иисуса. Емуже и мы, дивному во святых Своих, поем песнь: Аллилуиа.

 

 

Икос 11

 

Светом радости неизреченныя и Божественныя любве осиян был еси, Петре, егда Господь по воскресении первее прочих апостол явися тебе, скорбевшему по сих же паки явлься, Владыка жизни вопроси тя трикраты: Симоне Ионии, любиши ли мя? Ты же, огнем Божественныя любве опаляем, отвещал еси тепле: Господи, Ты веси, яко люблю Тя. Того ради и мы, обнищавший духом, помянувше преизобильныя токи слез и любве твоея, ихже ради воззва тя Господь на прежний степень апостольства, благоговейно взываем ти сицевая:

Радуйся, учителю покаяния, слезами горькими высоту смирения стяжавый и Воскресшим от гроба к радости неизглаголанней на веки приобщенный;

Радуйся, премудрости глубино, смиренномудрия высоте, пламеню любве, образ жития всем верным себе явивый.

Радуйся, друже Господа Иисуса, иго благовестия ревностно понесый, над наследием Божиим господствовати не восхотевый, но послушанию властем научивый;

Радуйся, апостоле Христов, мудрость змиину и чистоту голубину в себе сочетавый и образом смерти твоея на кресте крайнее смиренномудрие показавый.

Радуйся, рабе Господа верный, умноживый данный тебе талант и в радость Господа вшедый;

Радуйтеся, Петре и Павле, сердца не тесная, верь мир любовию вместившая и концы вселенныя просветившая.

Радуйтеся, святии первоверховнии апостоли Петре и Павле.

 

 

Кондак 12

 

Благодать Духа Утешителя, излиявшаяся на главы верных во образе языков огненных, скоро излийся изо уст твоих, Петре, глаголом огненным, во еже благовестити с силою многою Христа распята не точию погибшим овцам дому Израилева, но и язычестей неплодящей церкви, да плодоносит и сия Богови нетленный крин чистоты и покаяния. Испроси и нам, апостоле достоблаженне, милость Господа, творящаго тобою великая и чудная, рукою твоею мертвыя воскрешающа и смертию твоею на кресте мертвенную любовь нашу воспламеняюща, да непрестанно поем Ему: Аллилуиа.

 

 

Икос 12

 

Поюще пресветлую память твою, Павле, достойно ублажаем неизреченныя подвиги, болезни и труды, яже во бдениих, во алчбе и жажде, в пощениих, в зиме и наготе понесл еси. Кто бо изочтет раны, скорби и беды твоя во градех, в пустыни, в мори, беды от разбойник, беды от сродник, беды от язык и лжебратии? Кто подобен тебе? Паче всех апостол потрудился еси. Темже молим: не возгнушайся нас, грешных, молящихся тебе, но якоже всем был еси вся, и ныне услыши немощным гласом приносимая ти сицевая:

Радуйся, узниче Христов, из темницы свет распространивый, словом и посланием во узах много потрудивыйся, зане воистинну слово Божие не вяжется;

Радуйся, неизследимая пучино любве, по братии твоей отлучен быти от Христа приискренне восхотевый.

Радуйся, подвижниче предивный, подвигом добрым подвизавыйся, течение совершивый и кровию твоею Церковь украсивый;

Радуйся, источай море чудес, яко главотяжи и убрусцы твои недуги исцеляху и демоны прогоняху.

Радуйся, любве Божия неразлучный причастниче, Горняя мудрствуяй, а не земная, зане и от плоти разрешитися и со Христом быти возжелал еси;

Радуйтеся, Павле и Петре, веры христианския насадители, благочестия водами напоителие и ко пристанищу вечному вернии водителие.

Радуйтеся, святии первоверховнии апостоли Петре и Павле.

 

 

Кондак 13

 

О всехвальнии благовестницы Петре и Павле! Внемлите воздыханием сердец наших, молящиеся за ны, много бо может молитва праведных пред Богом: потщитеся и ныне воспоминати нам о небесном звании и христианстей кончине жизни нашея, привлецыте нас ко сладости евангельския истины, свяжите узами любве Христовы, да мы вси, отвергшеся нечестия и мирских похотей, внидем в радость Господа нашего, поюще Ему со Ангелы и с лики святых: Аллилуиа.

 

(Этот кондак читается трижды, затем 1-й икос и 1-й кондак)

 

 

МОЛИТВА ПЕРВАЯ

 

О преславнии апостоли Петре и Павле, души за Христа предавшии и кровию вашею пажить Его удобрившии! Услышите чад ваших молитвы и воздыхания, сердцем сокрушенным ныне приносимыя. Се бо беззаконьми омрачихомся и того ради бедами, якоже тучами, обложихомся, елеа же добраго жития обнищахом зело и не возможем противитися волком хищным, иже расхищати наследие Божие дерзостно тщатся. О сильнии! Понесите немощи наша, не отлучайтеся духом от нас, да не разлучимся в конец от любве Божия, но крепким заступлением вашим нас защитите, да помилует Господь всех нас, молитв ваших ради, да истребит же рукописание безмерных грехов наших и да сподобит со всеми святыми блаженнаго Царствия и брака Агнца Своего, Емуже честь и слава, и благодарение и поклонение, во веки веков. Аминь.

 

 

МОЛИТВА ВТОРАЯ

 

О святии Апостоли Петре и Павле, не отлучайтеся духом от нас, грешных раб Божиих (имена), да не разлучимся вконец от любве Божия, но крепким заступлением вашим нас защитите, да помилует Господь всех нас молитв ваших ради, да истребит же рукописание безмерных грехов наших, и да сподобит со всеми святыми блаженнаго Царствия и брака Агнца Своего, Емуже честь и слава, и благодарение и поклонение во веки веков.

 

 

МОЛИТВА ТРЕТЬЯ

 

О верховнии Апостоли: Петре, веры Христовой твердый изобразителю, и Павле, сладковещательная ластовица учения Господня! Зрим вас, аки многотекущую реку сказаний Христовых словес, истекающую от истинных недр Божиих и всю глубину кладезя истин богооткровенных пред нами, жаждущими их, открывающую. Зрим вас, аки светила, с небесе токи теплоты любве Божественныя нам уясняющия; ублажаем вас, приемших труды и поты, во еже всеяти учений божественных семена; целуем стопы ваша, обтекавшия вся концы земли, и в трепете греховнем зрим главы ваша, смиренно преклоненныя к пречистым стопам Господним: единаго крестным путем (повешением) и другаго мечным усечением. Умильно просим вас, святии Апостоли, сотворите и нас в буести греховней преклоненными пред Учителем нашим Господем, сотворите гордости нашей главы усекновение учением богооткровенным; глад душевный наш да утолит Господь брашном, указуемым с самаго неба, якоже Петру. Ты же, Павле, богонасыщенный Христовых словес, потщися и нас до третьяго небесе возвести твоими непрестанными о нас ко Господу молитвами, да и мы тамо прославим с лики ангельскими и апостольскими дивнаго во святых Своих Отца всяческих и Егоже послал в мир спасаяй и наставляяй к жизни вечной, Господа Иисуса Христа, и единосущнаго Им Святаго Духа. Аминь.

 

 

МОЛИТВА ЧЕТВЕРТАЯ

 

      Святый верховный Апостоле Петре, каменю веры, на Христе, краеугольном Камени, в Церковь исповеданием назданный! Моли, да и аз, умными помышлении и плотскими похотении всегда колеблемый, на Тоемжде Христе, Камени живе, избранне, честне, верою наздан всегда совершаюся любовию в храм духовен, в священство свято, возносити жертвы духовныя Богови Иисусу Христу. Святый верховный Апостоле Павле, сосуде избранный Христов, благодати и славы Божия преисполненне! Моли имущаго власть над тварию Творца, да мя, ныне сосуд погубленный, сотворит Себе сосуд в честь, освящен и благопотребен, на всякое благое уготован. Аминь.

 

 

ТРОПАРЬ

 

Тропарь, глас 4:

 

Апостолов первопрестольницы и вселенныя учителие, Владыку всех молите, мир вселенней даровати и душам нашим велию милость.

 

Кондак, глас 2:

 

Твердыя и боговещанныя проповедатели, верх апостолов Твоих, Господи, приял еси в наслаждение благих Твоих и покой: болезни бо онех и смерть приял еси паче всякаго всеплодия, Едине сведый сердечная.

 

Величание

 

Величаем вас, Апостоли Христовы, весь мир ученьми своими просветившыя и вся концы ко Христу приведшия.

 

 

 

КАНОНЫ

(Святым апостолам Петру и Павлу)

 

 

Канон святому апостолу Петру, глас 4.

 

Песнь 1

 

Ирмос: Несть Тебе подобен, препрославленный Господи, рукою бо крепкою избавил еси люди, яже стяжал еси, Человеколюбче.

 

Верховнейшаго апостолов днесь, яко первозваннаго Христова, богодохновенными песньми достойно воспоим.

 

Тя Предвечный проуведев, предустави, всеблаженне Петре, яко предстателя Своея Церкве и первопрестольника.

 

Ни плоть, ниже кровь тебе, но Отец вдохну Христа богословити, Сына истиннаго Бога Вышняго, апостоле.

 

Богородичен: Гору святую, превышнее носило, Матерь Божию и Деву истинную по рождестве воспоем.

 

 

Канон святому апостолу Павлу, глас 8.

 

Песнь 1

 

Ирмос: Посеченный несекомаго пресече, и виде солнце землю, юже не виде, лютаго врага вода потопи, и непроходимое пройде Израиль, песнь же воспевашеся: Господеви поим, славно бо прославися.

 

Якоже сущая нарицая не сущая Христос Божественным разумом, Павле всеблаженне, Той из матерня чрева тя избра понести пред языки Божественное Его Имя, еже паче всякаго имене: славно бо прославися.

 

Будущее возвещая тебе сияние благочестия, Павле, и лести очищение, Христос явлься на горе молниезрачен, очи убо помрачает плотския, душевныя же вразумляет Троическим разумом: славно бо прославися.

 

Обрезание убо совершая осмодневное и ревнитель отеческих, Павле, преданий, от семене еврейска, колена Вениаминова, по закону же фарисей явлься, вменил еси вся уметы и Христа приобрел еси: славно бо прославися.

 

Богородичен: Чистая Мати Бога Вседержителя, от царскаго колена, Владычице, израстши и едина Бога, всеми царствующаго, рождшая плотию паче естества, от бед мя спаси, Сыну Твоему поюща: славно бо прославися.

 

 

Песнь 3

 

Ирмос: Не мудростию, и силою, и богатством хвалимся, но Тобою, Отчею Ипостасною мудростию, Христе: несть бо свят, паче Тебе, Человеколюбче.

 

Тя, блаженна, сладкая уста Христа Бога и сокровище твердо Царствия показаша. Темже воспеваем тя, Петре апостоле.

 

На камени твоего Богословия водрузи Владыка Иисус Церковь непреклонну, в нейже тя, апостоле Петре, славим.

 

Яко пребольши Ангел Петр в телеси: во светлом бо пришествии сего Христос Бог судию же и соседателя быти рече.

 

Богородичен: Неискусобрачная, Бога плотию рождшая, страстными прилоги преклоненна мя утверди: несть бо, Чистая, разве Тебе, помощницы.

 

 

Ин.

 

Ирмос: Ты еси утверждение притекающих к Тебе, Господи, Ты еси свет омраченных, и поет Тя дух мой.

 

Ты камень основания верным душам положился еси многоценен, краеуголен Спаса и Господа.

 

Павле всеблаженне, на основании твоем, молися, добродетелей всехвальных наздатися светлости.

 

Всегда мертвость Иисусову на твоем теле совершенно, Павле, обносяй, сподобился еси истинныя жизни.

 

Богородичен: Тя вси стяжахом прибежище и стену нашу, христиане, Тя славословим немолчно, Безневестная.

 

 

Ипакои, глас 8

 

Кая темница не име тебе юзника? Кая же Церковь не имать тя витию? Дамаск великомудрствует о тебе, Павле, веде бо тя запята светом; Рим, твою кровь приемый, и той хвалится, но и Тарс множае радуется и любит, почитая твои пелены. Петре, веры каменю, Павле, похвало вселенныя, от Рима сошедшеся, утвердите нас.

 

 

Песнь 4

 

Ирмос: Сей Бог наш, от Девы воплощся и естество обожив, Егоже воспевающе, вопием: слава силе Твоей, Господи.

 

Человеком ловца тя, якоже обеща Христос, содела Божественна Своея Церкве, первому вручив кормила.

 

Тобою умоляемь Жизнодавец Иисус, вязати же и решити давый тебе власть, Петре, да будет ми милостив.

 

Христово Царствие отверсти прилежно молися, Петре, Божественную твою память верою несумненною чтущим.

 

Богородичен: Госпоже Всепетая, Богородительнице, моя помышления Твоими молитвами очистивши, покажи мя благоплодна, Мати всех Бога.

 

 

Ин.

 

Ирмос: Всел еси на кони, апостолы Твоя, Господи, и приял еси рукама Твоима узды их, и спасение бысть еждение Твое верно поющим: слава силе Твоей, Господи.

 

Вседе, якоже лев, яровидно погубляя Христову Церковь, Савл иногда, ят же быв Божественным гласом Агнца Божия, Егоже гоняше, стадо яко пастырю вручает.

 

Хотяй просветити вселенную омрачается, Анания же к сему послася, душевное же просвещение даяй и телесное от Божественнаго явления, сосуд избран показав того.

 

Павлом достойно Дамаск напояется: от сего бо, якоже от рая иногда, вод Божественных сей произыде великий источник и упои всю Богоразумием независтно землю.

 

Богородичен: Низложи сильныя со престол Господь, Дева и Мати якоже рече, алчущия же Божественных благ исполни, верою зовущия: слава силе Твоей, Господи.

 

 

Песнь 5

 

Ирмос: Стяжавый ны, избранныя люди Кровию Твоею, Господи, Твой мир даждь нам,во единомыслии сохраняя стадо Твое.

 

Иже от любве приим дерзновение к Богу, достойно чудим бываше ловец и невежда, чудодействуя преславно благодатию.

 

Не злато Тебе ради, ни сребро, Христе, Божественный Твой апостол, но добродетель стяжав, чудес обогатися силою.

 

Исправляхуся стопы и глезне хромых, действенным твоим глаголом: Божественным бо Духом совершахуся преславныя вещи.

 

Богородичен: Воплотися Бог по ипостаси, Чистая, из Тебе плотию соединяемь, пребыв неизменен, по Божественному существу безплотен.

 

 

Ин.

 

Ирмос: Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.

 

Ты истинную избрал еси, Павле, похвалу, Крест Царя Христа присно нося, якоже победу, апостоле.

 

Тебе еже жити, Христос, и еже умрети, приобретение изрядно: любовию бо сраспялся еси Распеншемуся нас ради, Павле преславне.

 

Радуешися воистину о Господе, Павле честный, изшед из телесе и отшед ко Христу, Жизнодавцу Богу.

 

Богородичен: Моли присно Сына Твоего и Бога нашего, Неискусобрачная Марие Чистая, послати нам, верным, милость.

 

 

Песнь 6

 

Ирмос: В ките, Христе, тридневновав, Иона прописа Тя, Безсмертнаго, яко мертва волею в сердце земнем тридневновавша.

 

Якоже древле, Христе, десницею Твоею по воде пеша ходяща Петра спасл еси, и мене, потопляема бурею лютых напастей, спаси, яко Милосерд.

 

Оставил еси, о Петре, не сущая, и сущая достигл еси, якоже некий купец, и яве уловил еси бисер, Христа, многоценный.

 

Искушати безумно покусившияся Духа Пресвятаго, Петре, умертвил еси: Егоже богословил еси ты первее, яве исповедав Бога, всеблаженне.

 

Богородичен: Всякаго вышша существа Слово Божие родила еси, воплощенно нам, темже Богородицу Тя устнами же и душею проповедаем.

 

 

Ин.

 

Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.

 

Вся пренебрег красная мира, уязвлен Владычнею любовию и общаго спасения желанием, свидетельствовати тому изволив, о Павле блаженне, и ныне о вселенней молися.

 

Яко изрядный Владыце подобник и в Того одеян, Павле, воистину всем был еси всяк, да вся приобрящеши и спасеши люди, и спасл еси яко воистину, Христу уловив концы.

 

Достойно тебе дарова Христос житие, апостоле Павле, на Небесех: пребывающаго бо зде не возжелал еси града, блаженне, верен служитель быв и строитель таин Его.

 

Богородичен: Призре на Тя Господь, мое обновляя существо, яко Силен, величия сотворь, Богородительнице, якоже рекла еси, Всенепорочная, и спасе мя Тобою из тли Бог мой, яко Милосерд.

 

 

Кондак, глас 2

 

Твердыя и Боговещанныя проповедатели, верх апостолов Твоих, Господи, приял еси в наслаждение благих Твоих и покой: болезни бо онех и смерть приял еси паче всякаго всеплодия, Едине, сведый сердечная.

 

 

Икос

 

Уясни мой язык, Спасе мой, разширив моя уста и исполнив я, умили сердце мое, да, яже глаголю, последую и, яже убо учу, сотворю первее: всяк бо творя и уча, рече, сей велик есть. Аще бо глаголю, и не творю, яко медь звенящая вменюся; темже рещи ми подобная и творити полезная даруй, Едине, сведый сердечная.

 

 

Песнь 7

 

Ирмос: В начале Безначальное Слово, со Отцем и Духом, Сын Единородный, благословен еси, и превозносимый Боже отец наших.

 

Милостивному, Божественным промыслом Христовым наказуемь, подобитися попущен был еси, прежде страсти, Петре, отвержения подпасти волнению.

 

Тебе Христос, первозванному и зело возлюбленному, яко председателю благославну апостолов, первому является, воскрес от гроба.

 

Твое трикратное, еже прежде страсти, исцеляя отвержение, Владыка трикратным боговещанным, Петре, вопрошением утверждает любовь.

 

Еже ко Христу, Петре, любления, предлагал еси свидетеля и Всевидящаго яко Бога Слова, темже и любимое вручает тебе стадо.

 

Богородичен: Яже во утробе Превечное, от Отца возсиявшее Бога Слово плотию заченшую, вси ублажаем, яко Матерь всех Бога.

 

 

Ин.

 

Ирмос: На поле Деире иногда мучитель пещь постави на мучение богоносных, в нейже три отроки песнословяху Единаго Бога, троично воспеваху, глаголюще: отцев Боже, благословен еси.

 

Бысть, Христе, печать и венец апостолов Твоих, иже напоследок званный времен, тщанием же всех превозшед, с нимже людие церковнии поют Тебе: отец наших Боже, благословен еси.

 

Аще и гонив первее Церковь Твою Павел узник, но премину древнюю дерзость Твоею ревностию последи. Собра бо, Христе, языки, зовущия: отец наших Боже, благословен еси.

 

Ты из Иерусалима проповедав всем Евангелие, объят же окрест всю землю, Павле, даже до конец Иллирика, уча, взывал еси: отец наших Боже, благословен еси.

 

Во ужасе взят быв, третие достигл еси Небо, пребогате, и, услышав неизглаголанная словеса, вопиеши: слава превышнему Отцу и Сыну, сияние же сопрестольно испытающаго яве Духа Божия глубины.

 

Богородичен: Якоже на руно дождь, на Тя сниде, Дево, Христос Бог, и Плотоносец из Тебе пройде, соединяя прежде разстоящая, мир на земли и на Небеси даруя: отец наших Боже, благословен еси.

 

 

Песнь 8

 

Ирмос: Всяческая носяй неприступною Твоею силою, Христе, преподобныя Твоя отроки в пламени оросил еси, зовущия: благословите, вся дела Господня, Господа.

 

Воздежут твои руце и ко кресту тя препояшут,— Владыка предрек, Петре, повелевает последовати зовущу: благословите, вся дела Господня, Господа.

 

Благодати словом Енея, убо разслабленна люте, Тавифу же умершую, чудодействуя, воскресил еси, зовущия: благословите, вся дела Господня, Господа.

 

Иже Петру языки очищены поведав, Христе, духовною зарею и мне помышления очисти, зовущу: благословите, вся дела Господня, Господа.

 

Богородичен: Всесвятая Дево, Яже Бога Слова рождшая плотию, души моея мрак Твоими молитвами отгнавши, просвети, взывающа: благословите, вся дела Господня, Господа.

 

 

Ин.

 

Ирмос: На горе святей прославльшася и в купине огнем Приснодевы Моисеови тайну явльшаго, Господа пойте и превозносите во вся веки.

 

Срастворися любовию Твоею Павел, добрым же изменением изступи: не себе бо живяше славный, имяше же, Щедре, живуща Тя в себе во вся веки.

 

Ты обручил еси, якоже невесту, представити Жениху Христу Церковь: невестовождь бо сея показался еси, Павле Богоносе. Темже тя славит во вся веки.

 

Подвизался еси добрым подвигом и, скончав течение твое законно, сокровище веры соблюл еси. Темже венцев, Павле, сподобился еси правды.

 

Богородичен: Радуйся, престоле огнезрачный Господень; радуйся, Невесто Неневестная, Дево, радуйся, облаче, Солнца возсиявшая правды, Егоже превозносим во вся веки.

 

 

Песнь 9

 

Ирмос: Тя, преславную Невесту и Всесвятую Богородицу, Зиждителя рождшую невидимых же и всех видимых, песньми величаем.

 

Твоя преизящная благодать славится достойно, сени бо твоей страсти немощных, Петре, отгоняющей, темже тя величаем.

 

Мечтаньми Симона волхва богоборца взята к воздушней высоте, низложив неизглаголанною Божественною силою, Петр ублажается.

 

Согрешений разрешение молитвами твоими подаждь, просвещение же сердца и веселие духа поющим память твою, апостоле.

 

Твоя вся исполнена славы, освящения же и чудес: словеса, мощи, персть и верою, Петре, покланяемыя и любовию Божественныя вериги.

 

Богородичен: Твое имя Плод чрева содея ликовника песнь пети Тебе, Иже радость рождши, велегласно — радуйся—провещавающа.

 

 

Ин.

 

Ирмос: Уставы прешла еси естества, Содетеля заченши и Господа, и дверь спасения мирови была еси. Тем Тя, Богородице, непрестанно величаем.

 

Твоим покланяемся веригам, яже за Христа, яко злодей, носил еси, язвы же, Павле, облобызаем, яже на славнем твоем и победоноснем носиши телеси.

 

Ныне разрешился еси, апостоле, ко Иже тобою непрестанно Желаемому, с Нимже яко служитель водворяяся, непрестанными мольбами твоя рабы к себе привлецы.

 

Ныне никакоже в гаданиих, ниже в зерцале Христос тебе зрим есть, лицем же паче зрится к лицу, совершенне тебе разум открывая Божества.

 

Богородичен: Ты, Пресвятая Богомати, похвала Христовых апостолов была еси, мучеников же слава и пророков основание. Темже, вернии, Тя вси достодолжно величаем.

 

 

Светилен

 

Апостолов вси верх воспоем, Петра и Павла Божественныя, вселенныя светильники, проповедники веры, богословныя трубы, учений сказатели, церковныя столпы и разорители лести.

 

 

Фото иконы: http://days.pravoslavie.ru/Images/ii1694&273.htm

 






Рейтинг@Mail.ru Рейтинг@Mail.ru Rambler's Top100 Яндекс.Метрика