|
Абалацкая икона Божией Матери
(27 ноября / 10 декабря; 20 июля / 2 августа)
Чудотворная икона называется Абалацкою от села Абалак Тобольской епархии, при котором с 1783 года устроен монастырь, в 25 верстах от Тобольска, в Сибири. При царе Михаиле Федоровиче и при Тобольском архиепископе Нектарии на Абалацком погосте уединенно жила благочестивая вдова Мария. Спустя 50 лет по построении Тобольска, а именно в 1636 году, эта вдова, будучи в своей хижине, видела в тонком сне стоящий на воздухе образ Знамения Пресв. Богородицы с изображениями на правой стороне святителя Николая Чудотворца, а на левой преподобной Марии Египетской и слышала голос, повелевавший объявить народу об этом явлении и сказать, чтобы построили на Абалацком погосте по правую сторону ветхой Преображенской церкви новую, во имя Знамения Пресвятой Богородицы, что в древнем Новгороде, с приделами: по одну сторону — святителя Николая, по другую — Марии Египетской. Мария проснулась, но по своей робости не смела никому сказать о том. Видение повторялось до четырех раз. Четвертое видение, очень знаменательное, Мария не могла уже более скрывать. Она шла из Абалак в Тобольск и, приближаясь к городу по подгорью, вдруг остановилась как бы в тумане. Пред нею явился как бы столб облачный и на столбе образ Знамения Божией Матери и образ преподобной Марии Египетской, а святитель Николай, как бы живой, стоял на земле и гневно сказал ей: «Для чего медлишь объявить о видениях и повелении народу? Если еще замедлишь, то всем телом будешь расслаблена; если же объявишь и тебя не послушают, тогда не ты, а они потерпят». После этого вдова стала всему народу рассказывать о своих видениях и объявила в архиепископу Нектарию при всем соборе. Все поверили рассказам ) благочестивой вдовы. Архиепископ после строгого, сделанного ей а (испытания благословил прихожан абалацких строить храм, и многие из тобольских жителей приняли участие в этом деле.Промысл Божий приготовил в эту церковь и храмовую икону. Некто крестьянин Евфимий лежал много лет в расслаблении. Однажды приходит к нему нищий Павел, пользовавшийся его милостями, и говорит: «Ефим! На Абалаке строится церковь по повелению Божию во имя Знамения Богородицы, святителя Николая и Марии египетской. Дай обещание написать храмовую икону в ту церковь. Может быть, Господь по вере твоей и за усердие твое простит тебя освободит от болезни». Евфимий выслушал нищего, как ангела Божия, и в тот же день дал обещание устроить икону Знамения Божией Матери с предстоящими по сторонам святителем Николаем и Марией Египетской. Господь услышал молитвы его: в тот же день после полудня он вдруг начал владеть правою стороною своего тела. На другой же день Евфимий послал прошение к преосвященному Нектарию о дозволении ему написать храмовую икону для новой Абалацкой церкви и получив святительское благословение, заказал икону искуснейшему в то время живописцу в Сибири — Софийского Тобольского собора протодиакону Матвею. Все время, пока писался образ, Евфимий молился и с каждым днем становился крепче. Наконец, почувствовав себя здоровым, он сам пришел к живописцу и своими руками принес обещанную икону в собор для освящения. Архиепископ, обрадованный и удивленный совершившимся чудом, сам окропил икону святою водою и, отслужив пред нею молебен, отпустил ее с подобающею честью в село Абалацкое для поставления в новой церкви. Подлинная Абалацкая икона имеет длины аршин с четвертью и ширины аршин и около двух вершков. Риза на ней серебряная под золотом, с жемчугом и разными драгоценными камнями. Абалацкая икона служит предметом особенного благоговения не только в Сибири, но и в губерниях, соседних с Сибирью; на поклонение ей прибывают издалека, и великие чудеса совершаются по вере прибегающих к ней. В 1665 году установлено приносить в Тобольск чудотворную икону из Абалак каждогодне на две средние недели месяца июля в воспоминание чуда милосердия Божия. В этом году в Тобольске и во всех окрестных местах беспрерывно шел проливной дождь;хлеба, овощи и трава гибли; все затопило водой. Не видно ниоткуда помощи, народ приходил в отчаяние. Тогда обратились к Божией Матери. Тобольский архиепископ Корнилий послал освященный собор в село Абалацкое за чудотворною иконою. 8 июля икона была принесена в Тобольск и с благоговением встречена духовными и гражданскими властями и множеством народа. На площади отслужили молебствие, икону внесли в собор и немедленно начали литургию. Не окончилась еще служба, как, к общей радости и удивлению, мгла рассеялась, облака исчезли, дождь прекратился и погода сделалась благоприятною. В память этого благодатного знамения и для всегдашнего благодарения Господа Бога и Его Пречистой Матери установлен ежегодный крестный ход, при котором чудотворная икона приносится из Абалак в Тобольск к 8 июля и остается в соборе до 23 июля. С Абалацкой иконы есть несколько копий в разных местах Сибири, в Семипалатинске, в селе Боровинском, что подле Ишима, и проч., которые также благоговейно чтутся местными жителями и в определенное время носятся по окрестным городам и селениям.
АКАФИСТ
Кондак 1
Избранной Предвечным Царем в наше верных спасение небесе и земли Царице, благодарственныя похвалы приносим Ти, Богородице! Ты же, яко имущая державу непобедимую и милосердие неизреченное, от всяких нас бед свободи и вся благая нам даруй, да зовем Ти: Радуйся, Мати Дево, всепетая христиан похвало.
Икос 1
Архангелы и Ангелы поют Тебе, Деве чистой, немолчныя песни на небеси. Мы же, грешнии, на земли преклоньша колена душ и сердец наших пред Пречистым Твоим образом со слезами умиления, бренными устами вопием Ти:
Радуйся, Заступница наша усердная;
Радуйся, Мати наша премилосердная.
Радуйся, славо наша непроходящая;
Радуйся, богатство наше неистощимое.
Радуйся, Помощнице наша непреложная;
Радуйся, Покровительница наша присная.
Радуйся, радосте наша, от всякия скверны плоти и духа нас очищающая;
Радуйся, Целительнице наша, болезней душевных и телесных нас избавляющая.
Радуйся, похвало наша, радостей духовных нас не лишающая; Радуйся, Владычице наша, помощию Твоею недуги наша исцеляющая.
Радуйся, прибежище наше, от врагов видимых и невидимых нас покрывающая;
Радуйся, Святая, святых большая.
Радуйся, Мати Дево, всепетая христиан похвало.
Кондак 2
Видящи в трикратных видениих боголюбивая вдовица Мариа всечестнаго лица Твоего, Пресвятая Дево, изображение, ужасом великим одержима, убойся поведати о чудесных видениих своих людем, в сердцы же своем, из глубины души взывати Богу: Аллилуиа.
Икос 2
Разум неразумеваемый человеческими помыслы ища разумети в чудном явлении пречистаго Твоего, Богоматери, образа, блаженная Мария новаго удостойся видения, в немже великий святитель Николай грозно повеле ей возвестити виденное, она же со страхом и трепетом всем поведа тайну видения своего и всех научи взывати к Богородице:
Радуйся, всех Зиждителя в Твоих ложеснах носившая;
Радуйся, Бога плотию рождшая миру Спасителя.
Радуйся, в рождестве девство нетленно сохраншая;
Радуйся, на земли ангельски пожившая.
Радуйся, Бога с человеки примирившая;
Радуйся, святых всех Пресвятейшая.
Радуйся, Дево Пресвятая, дивно явившая нам образ Свой;
Радуйся, Благодатная, в явлении образа Своего милосердие нам являющая.
Радуйся, о всех чтущих образ Твой святый промышляющая; Радуйся, всем молящимся Тебе пред святым образом Твоим по мере веры спасение подавающая.
Радуйся, чудесами Твоего образа умы наша к горнему миру возводящая;
Радуйся, Святая, святых большая.
Радуйся, Мати Дево, всепетая христиан похвало.
Кондак 3
Силу Божию ищущи уведети благовернии людие Тобольстии в дивных явлениях образа Твоего, Богомати, собрашася вкупе с архиереем своим Нектарием, да уверитися, яко милосердие Царицы Небесной восхоте посетити и в стране нашей всех, хотящих улучити спасение; уверившеся же и радующеся радостию великою, воспеша Богу: Аллилуиа!
Икос 3
Имеющи всеусердно желание стяжати сокровище небесное, святый лик Твой, Богородице, вси единодушно возжелаша первее своими руками устроити на месте явлений новую в честь Знамения Божией Матери церковь, юже и воздвигоша, со всем усердием воспевая Царице Небесной:
Радуйся, ангельское великое удивление;
Радуйся, праотеческое дивное утешение.
Радуйся, пророческая высокая проповедь;
Радуйся, апостольская преславная похвало.
Радуйся, святителей изрядное украшение;
Радуйся, мучеников крепкое утверждение.
Радуйся, преподобных спасительное наставление;
Радуйся, постников неизнемогающее воздержание.
Радуйся, девствующих чистото и славо;
Радуйся, отцев и матерей тихое веселие.
Радуйся, всех православных христиан удобрение;
Радуйся, Святая, святых большая.
Радуйся, Мати Дево, всепетая христиан похвало.
Кондак 4
Буря помышлений сумнительных в радостную тишину преложися, егда видевшая в видениих образ Пречистыя Девы Богородицы указа быти его подобием Знамения Новгородския, точию с предстоящими святителем Николаем и Мариею Египетскою; темже и возопиша вси Богу: Аллилуиа.
Икос 4
Слышав Евфимий, разслабленный телом, но не духом, от некоего старца Павла, еже бы написати явленную икону в новую церковь, созидавшуюся по повелению Божию на Абалаке, потщася вдати дело сие искусному в живописании перводиакону Тобольския кафедры Матфею, егда же образ сей писаше, болящий по малу целяшеся и Богородице усердно пояше:
Радуйся, Царице Небесная, явлением честныя Твоея иконы нас обрадовавшая;
Радуйся, Мати Божия, чудесным целением от нея нас удивляющая. Радуйся, стране нашей светлое просвещение;
Радуйся, земли нашей несокрушимое ограждение.
Радуйся, по водам плавающим тишино;
Радуйся, обуреваемым небурное пристанище.
Радуйся, путешествующим легкое прехождение;
Радуйся, блуждающим милосердная Наставнице.
Радуйся, труждающимся благое покоище;
Радуйся, обремененным тихое прибежище.
Радуйся, в бедах сущим скорая Заступнице;
Радуйся, Святая, святых большая.
Радуйся, Мати Дево, всепетая христиан похвало.
Кондак 5
Боготечней звезде, приведшей иногда волхвов к Солнцу Правды Христу Богу нашему, подобно бысть явление иконы Твоея, Божественная Дево, в пределах наших: видящи бо молящихся пред нею, предки наши из Тебе познаваху Сына Твоего Спаса нашего, мы же научаемся усерднее пети Ему: Аллилуиа.
Икос 5
Видевши людие Тобольстии честную икону Божия Матере, явившую чудесное исцеление усердствовавшему написати ю, яко божественное сокровище прияша ю и яко многосветлый светильник поставиша в новом храме, ими созданном, радующеся и вопиюще к Богородице:
Радуйся, светозарное Светило, страну нашу озаряющее;
Радуйся, спасение душам нашим устрояющая.
Радуйся, небесным светом сердца наша просвещающая;
Радуйся, мир, тишину и благоденствие нам являющая.
Радуйся, болящим духовно и телесно здравие подавающая; Радуйся, обидимых Своею честною ризою покрывающая.
Радуйся, безнадежных известное надеяние;
Радуйся, младенцев разум просвещающая.
Радуйся, вдовиц и сирот Кормительнице;
Радуйся, нагих одеяние и пленных избавление.
Радуйся, просящим помощи скорая Помощница;
Радуйся, Святая, святых большая.
Радуйся, Мати Дево, всепетая христиан похвало.
Кондак 6
Проповедницы нелестнии великого милосердия Твоего, Владычице, к людем быша вси приявшии чудесныя исцеления от святыя иконы Твоея; вси же слышавшии и видевшии благодатныя токи, изливающиеся обильно от Тебе на страждующих и бедствующих, вкупе с ними радостно воспеваху Богу: Аллилуиа!
Икос 6
Возсия благодать от образа Твоего, Дево Чистая, яко солнце пресветлое в пределех наших, лучами чудес, истекающих от него, град наш и вся грады и страны не точию земли сибирския, но и российския озаряющая, сего ради недоумевающе изрещи величие чудес, от иконы Твоея бывших, Богородице, во умилении сердца, верою и любовию вопием Ти:
Радуйся, черною немощию одержимых исцеляющая;
Радуйся, болящих очами уздравляющая.
Радуйся, падучих болезней избавляющая;
Радуйся, слепым зрение отверзающая.
Радуйся, злыя демоны от людей отгоняющая;
Радуйся, беснующимся здравие подавающая.
Радуйся, разслабленных от одра воздвизающая;
Радуйся, немым язык и глаголание возвращающая.
Радуйся, от всех лютых недугов врачующая;
Радуйся, в сониих и видениих страждущим Себя являющая. Радуйся, от всяких напастей чудесно свобождающая;
Радуйся, Святая, святых большая.
Радуйся, Мати Дево, всепетая христиан похвало.
Кондак 7
Хотяй прославити святую икону Твою, Богородице Дево, Сын Твой и Бог наш Господь Иисус Христос, воочию всех излия от нея неисчерпаемое чудес море, в немже вси погружающиеся с верою и упованием приемлют благодать исцелений и, благодарящи Господа, со страхом и любовию умиленно вопиют Ему: Аллилуиа.
Икос 7
Новыя и преславныя чудеса благодати Твоея, Богородице, яви нам Господь, егда святая икона Твоя носима бе по градом и весям страны нашея; мнози бо верующие внезапу исцеляхуся от разнообразных неисцельных недугов, и неверные к вере обращахуся, с удивлением, умилением и любовию воспевая Тебе: Радуйся, всякие болезни исцеляющая;
Радуйся, вся недуги отгоняющая.
Радуйся, любовию серафимскою присногорящая;
Радуйся, души и сердца наша любовию божественною воспламеняющая.
Радуйся, огонь Божества в Себе вместившая;
Радуйся, пламене страстей наших изменяющая.
Радуйся, от огня греховнаго верующих в Тя соблюдающая: Радуйся, от огня геенскаго любящих Тя избавляющая.
Радуйся, от запаления огненнаго жилища наша сохраняющая; Радуйся, света Твоего зарями мрак неведения нашего разгоняющая. Радуйся, теплая наша Заступница и усердная к Богу о нас Молитвенница;
Радуйся, Святая, святых большая.
Радуйся, Мати Дево, всепетая христиан похвало.
Кондак 8
Странное видение честныя иконы Богоматери, свыше явленное с предстоящими святителем Николаем и Мариею Египетскою, разумевше, устранимся, мужие и жены, мира суетнаго, ум к небесным возводящи; сего бо ради и дадеся нам чудная икона Богородицы, да взирающе на ню, горняя мудрствуем, а не земная, вопия к Богу: Аллилуиа!
Икос 8
Вся еси в вышних, но и нижних не оставляешь Богородице Дево, чудесы бо Твоими, от святыя иконы Твоея, яко от живаго и независтнаго источника, изливающимися, присно нас просвещаеши, верою к Тебе притекающих и зовущих таковая: Радуйся, нищих духом неистощимое богатство и милостей бездно; Радуйся, Мати чадолюбивая, печальных незримое утешение. Радуйся, Голубице кроткая, тихая и незлобивая;
Радуйся, Горлице благогласная, ненавидимых тайное успокоение. Радуйся, грешников спасение и к Богу присвоение;
Радуйся, правоверных всех твердое ограждение.
Радуйся, невидимое надеющимся на Тя поможение и заступление; Радуйся, ангельский уме, присно зрящий Бога.
Радуйся, светозарная звездо умнаго солнца;
Радуйся, Херувимов и Серафимов славнейшая.
Радуйся, Архангелов и Ангелов честнейшая;
Радуйся, Святая, святых большая.
Радуйся, Мати Дево, всепетая христиан похвало.
Кондак 9
Вся страна наша богохранимая, милостями Твоими, Богомати, облагодатствованная, имея икону Твою чудотворную в щит и ограждение от врагов видимых и невидимых, незримою Твоею помощию побеждает вся супостаты своя, Богу же в радости сердца благоговейно вопиет: Аллилуиа.
Икос 9
Витийство наше песенное, яко детское немотствование, не довлеет к изглаголанию всех чудес и благодеяний, Тобою, Владычице, явленных и присно являемых нам от дивныя иконы Твоея; сего ради недоумевающе благохвалити Тя по достоянию, со смирением взываем Ти:
Радуйся, славящих Тя всегда прославляющая;
Радуйся, от огня, града и весей наших хождением иконы Твоея освящающая.
Радуйся, храмы и домы наша иконою Твоею благодатно посещающая;
Радуйся, молитвы молящихся Тебе к Богу возносящая.
Радуйся, рыданий и воздыханий наших никогда же отметающая; Радуйся, пришествием Твоея иконы радости наша усугубляющая. Радуйся, все скорби наша и горькия беды ею услаждающая; Радуйся, унывающих Твоим человеколюбием ободряющая. Радуйся, поклоняющимся явленной Твоей иконе радость и здравие подавающая;
Радуйся, души верных милосердием Твоим умиляющая.
Радуйся, радосте наша, иконою Твоею святою присно нас утешающая;
Радуйся, Святая, святых большая.
Радуйся, Мати Дево, всепетая христиан похвало.
Кондак 10
Спасти хотяй род человеческий от вечнаго мучения и дати ему Царство Небесное, человеколюбивый Господь дарова нам, грешным, Матерь Свою в помощь, покров и защищение; буди же нам, о Всеблагая, Помощница, Заступница и Руководительница во всем житии нашем, во исходе и по кончине нашей не остави нас, милостию вопиющих: Аллилуиа.
Икос 10
Стена еси воистинну необоримая, Богородице Дево, всем к Тебе прибегающим; никто же бо притекаяй к Тебе отходит тощь, темже ущедряеми милостию Твоею, во умилении души молим Тя: покрый, заступи и спаси всех нас, безпомощных, от всяких бед, искушений и озлоблений, Тебе с любовию взывающих:
Радуйся, крепкая защито возложивших на Тя упование;
Радуйся, воинству споборяющая.
Радуйся, судиям немздоприемным Споспешница;
Радуйся, наставников и детоводителей вразумление.
Радуйся, познания истины чистое зерцало;
Радуйся, сохранения веры крепкое забрало.
Радуйся, всеблагая Утешительница несчастных;
Радуйся, сиротам безприютным Покровительница.
Радуйся, всех детей благословляющая;
Радуйся, всякую юность к добру направляющая.
Радуйся, всех возрастных в святой жизни укрепляющая;
Радуйся, Святая, святых большая.
Радуйся, Мати Дево, всепетая христиан похвало.
Кондак 11
Пения и моления наша пред святою и чудотворною иконою Твоею, Тебе возносимая, приимши, благосердная Владычице, заступи, спаси, помилуй и сохрани нас от всякаго злаго обстояния, да тихое и безмолвное житие под кровом Твоим поживем во всяком благочестии и чистоте, из глубины души умиленно воспевая Богу: Аллилуиа.
Икос 11
Светоприемную свещу света божественнаго, яко Богородицу и Матерь Света Невечерняго, разумевающи и почитающи Тя, Пречистая, како возможем изрещи благодатная Твоя озарения, приснотекущая от иконы Твоея, яко от солнца лучезарнаго; обаче озарения Твоего милостиваго, Всеблагая, ищущи, дерзаем воспевати Тебе:
Радуйся, заре незаходимая, светом вечным нас осиявающая; Радуйся, луно, от Солнца Правды нас облиставающая.
Радуйся, светильниче, на свещнице превысшем поставленный; Радуйся, свеще неугасимая огня невещественнаго.
Радуйся, Мати света истиннаго, благочестивых души просвещающая;
Радуйся, свет райския жизни нам источающая.
Радуйся, присноблажащих Тя пресветло ублажающая;
Радуйся, усердно молящихся Тебе светом благодати озаряющая. Радуйся, всякую старость образцом святой жизни соделывающая; Радуйся, тьму, в которой живут язычники, неверующие, еретики и раскольники, истребляющая.
Радуйся, всех грешников светом Твоим просвещающая и к покаянию приводящая;
Радуйся, Святая, святых большая.
Радуйся, Мати Дево, всепетая христиан похвало.
Кондак 12
Благодати залог давшая нам святую икону Твою, Мати Бога Вышняго, испроси нам у Небеснаго Владыки, Сына Твоего и Бога нашего, благодать Святаго Духа; воздвигни нас из глубины греховныя, просвети сердечныя очи наша к зрению спасения, оживотвори сердца наша духом благочестия и страха Божия, духом чистоты и правды, духом любви и милосердия, да всегда поем Богу: Аллилуиа!
Икос 12
Поющи Твоя древняя и новая милости и чудеса, Богородительнице, хвалим Тя вси, яко твердую и надежную Предстательницу нашу, со умилением поклоняемся Тебе, выну молящейся о нас и благотворящей нам; веруем бо и уповаем, яко испросиши и подаси нам вся благая и спасительная, временная и вечная, воспевающим Ти:
Радуйся, непостыдное упование в животе, во исходе и по кончине нашей;
Радуйся, уповающим на Тя мирен конец живота сего подающая. Радуйся, в день судный наша надежда и защищение;
Радуйся, Судии праведнаго умоление.
Радуйся, всех кающихся грешников прибежище и заступление; Радуйся, всех праведных слава и утешение.
Радуйся, радость выну Тебе приносящих радости вечныя сподобляющая;
Радуйся, слезныя моления наша милостивно приемлющая.
Радуйся, покровом Твоим от врагов видимых и невидимых нас покрывающая;
Радуйся, всех нас, грешных, ко спасению и восприятию благ вечных наставляющая.
Радуйся, поклоняющимся иконе Твоей и Тя на помощь призывающим скоро помогающая;
Радуйся, Святая, святых большая.
Радуйся, Мати Дево, всепетая христиан похвало.
Кондак 13
О Всеблагая Мати Дево, Богородице, присно благодеющая нам во святей иконе Твоей, нынешнее приемши Тебе единей прикладное приношение, от всяких нас бед, напастей и скорбей временных и вечных избави и сподоби нас, рабов Твоих, в селениих райских водворитися, да во вся веки поем: Аллилуиа! Аллилуиа! Аллилуиа!
(Этот кондак читается трижды, затем икос 1 и кондак 1)
МОЛИТВА
О Пресвятая Владычице моя Богородице, милосердия сущи источник, покрове, упование и прибежище христиан! Тебе, Всесильней Предстательнице и Споручнице покаяния и спасения моего, аз, грешный раб Твой, вручаю душу и тело мое, входы и исходы моя, веру и жительство мое, кончину и число дней моих, глаголы и помышления моя, дела и начинания моя; Ты же, милостивая Мати Божия, мною руководствуй, покрывай, соблюдай и спасай мя от всех вражеских козней невредимо, да немолчно, до последняго издыхания моего, взываю Ти: Радуйся, Невесто неневестная! Радуйся, Святая, святых большая! Пресвятая Богородице, спаси мя! Аминь!
ТРОПАРЬ
Тропарь, глас 4:
Яко необоримую стену и источник чудес стяжавше Тя раби Твои, Богородице Пречистая, сопротивных ополчения низлагаем. Темже молим Тя: мир граду Твоему даруй и душам нашим велию милость.
Кондак, глас 4:
Честнаго образа Твоего знамение празднующе людие Твои, Богородительнице, имже дивную победу на сопротивныя граду Твоему даровала еси. Темже Тебе верою взываем: радуйся, Дево, христиан похвало.
Величание
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.
Ино величание
Величаем Тя, Пресвятая Дево, Богоизбранная Отроковице, и чтим образ Твой святый, имже дивную победу на сопротивныя граду Твоему даровала еси.
|
